President Trump cu Barack Obama bantukin Kham an timh leng zong ah Kham khawh a si lo US Supreme Court Justice ding cu a thim thiamthiam ko hna.

President Trump nih Ruth Bader a thih hnu in a mah aiawhtu ding cu November thla election hlan ah thim a timh hna bantuk in, kanhnu zarh donghnak ahkhan “decision” bia khiahnak a tuah i tuzar Friday a silole Saturday ah mipi sinah theihternak tuah ding in aa timh.

 

Kum 2016 lio ahkhan US Supreme Court Justice i rian a tuan mi Antonin Scalis’s cu election ni thla 8 a rak thi ve i, cu lio ahcun Barack Obama’s nih a aiawhtu ding cu election hlan ah thim a rak timh hna nakin Republican Senate hna nih an rak khamh bal cang. cu va bantuk in Trump zong micheukhat nih an khamh ko nain thim a timh tthiamtthiam ko hna, Cu caah Biden zong nih Trump cu mah lungrinh, lunghakpa tiah a soisel lennak hi a si.

Trump nih hin  Ruth Bader Ginsburg aiawhtu ding ah minung 4-5 ka ngei hna tiah a rak chim bal cang, cu hna chung ah pakhat cu thim an si te lai i cu hna lak ahcun Amy Coney Barrett , hi thim dawh a si, nain Atuzarh donghnak lei lawng ah mipi sinah theihter le phuang a si te lai tiah Trump nih a chim. Fox News.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "President Trump cu Barack Obama bantukin Kham an timh leng zong ah Kham khawh a si lo US Supreme Court Justice ding cu a thim thiamthiam ko hna."

Leave a comment

Your email address will not be published.


*


error: Content is protected !!