Trump: A liam cia mi ka hawipa Stan Chera bantuk in ka si sual hnga maw? ka si maw? Tiah a tu le tu in a hal hna.

President Donald Trump cu Covid-19 zawtnak a ngei tiah hngalh a si hnu in,a biahal ning zoh tikah, a thin a phang ngai ngai ti alang, a ruang cu Trump cu Hospital ah an chiah hlan Friday ni ahkhan  a tu le tu in  ahal mi hna cu Covid-19 ruang ah a thi cang mi ka hawi Stan Chera bantuk in ka si sual ve hnga maw tiah thinphang ngai in a hal peng hna hi a si.

President Trump attanh ngai mi Stan Chera Kum 77 cu a liam cia mi April thla ahkhan Covid-19 zawtnak a ngei ruang ah  a nunnak aliam, Tar le ngakchia hna cu mino bamtukin an thazaang a thawng lo caah Covid-19 hi an caah ttih a nung ngai mi a si tiah Doctor hna nih an chim lengmang mi a si.

Presedent Trump zong hi,  tarlei sang a si ve cang caah hnangam tukin cun a um kho tilo, Trump a zohkhentu Doctor pawl nih Trump a dirhmun cu a tha ngai ko an ti lio ah, White House Chief of Staff Mark Meadows nih a chim ning ahcun Trump nih hi zawtnak a ngei ve hi cu a nunnak caah thin a phang ngai ngai tiah a chim. USA TODAY.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Trump: A liam cia mi ka hawipa Stan Chera bantuk in ka si sual hnga maw? ka si maw? Tiah a tu le tu in a hal hna."

Leave a comment

Your email address will not be published.


*


error: Content is protected !!