A Fapa le Pathum i An Pa Taktak A Rak Silo Timi Ai Theih i , A Nupi he An karlak Ah Thil Lian Tuk mi A Rak I Thup Mi Zong An Theih Than

A thil theihmi nih cun chikhat te ah lungdongh nak nganpi le lungrawh nak lianpi nih cun a thinlung ah feichunh in a van chunh colh i a mitthli he ai ciah .A dawttuk mi hna a fapa le pathum cu a mah thisen in hrinmi a chungchuak fale an rak silo i midang fatu an rak si diam timi a theih i a nupi le akarlak i thil sinin ga rak i thupmi thil vialte a van theih cun vawlei nun hmanh huam tilo tiangin a lung dong i zeitin dah a nupi cung ah hin phuba a ak ve hnga timi nih cun a nun ah buainak nganpi a pek colh .

No description available.

A konglam kan tial mi pa hi American ram i mirum billionaire pakhat a si i Super Market lianpi ngeitu pa a si . A mah hi a min ah Rechart Nelson a si i kum 55 upa a si cang i sipuazi ah mi hlawhtling taktak pakhat a si .Nupi dawhtuk mi ‘Kie’ timi nu he an i um i an nih pahnih hi 1980 kum ah Bank pakhat ah an rak tuantti nak in ai hmutong i ai um mi an rak si . An nupa in fapa pathum an ngeih hna i an fapa upa bik cu kum 25 hrawnga si cang i a nau ah pa 2 an um i kum 19 an si ve cang .

No description available.

An nupa in 2007 kum thok khan an karlak ah buainak nganpi a hung chuak i cuti cun an karlak buainak cu a zual chin lengmang i 2008 kum donghei ah khan an nupa cun cozah theihpi nak tein an i then lawlaw . An i then ah hin mirum an si bantuk in an pa nih hin a nupi cu phaisa million tampi he a chuahter i culawng silo in a fale sianginn kainak le an herhmi vialte zong an pa nih hin tuanvo a lak dih . An nu he an i then hnu zong ah a fapa le pathum caah hin an pa nih cun pa tha si ai zuam zungzal i a sikhawh chungin a dawt hna i a zohkhenh zungzal hna .

No description available.

An i then ah hin an nu cu phaisa tampi he a chuahter ko nain an i then hnu ah hin an nu cu duh an nak in a kaht i an pa cu phone in a rak buai zungzal i phaisa kong ah a phunphun in hnahnawh nak a rak pek zungzal rih tiah an pa nih hin a chim .A fale a dawt tuk hna caah phaisa kong ah buai a duh lo i a sikhawh chung in a fale caah cun phaisa cu siang tak in a herh ning poah in han awk ah a pek peng rih hna i an nu zong cu el lo tein phaisa kong ah lungtling tein an i then hnu zong ah a zohkhenh peng rih hna .

No description available.

Asinain kum 2016 kum a hung phak cun Richart nih cun an nupa karlak i thil a rak i thup peng mi a theih bal lo mi thil liantuk cu a theih imah le mah i thah duh tiangin a thinung ah ngeihchiat nak nih a phak ai .Nikhat cu Richart cu doctor sin ah a ngandam nak lei i check ter dingin a kal i doctor pa nih a van check ah cun vanchiat ah Richart cu zawtnak tihnung ngai a si mi lunglei damlo nak a rak ngei timi cu doctor pa nih a van chimh .Richart cu a lau tuk i hi bantuk zawtnak ka ngeih ah cun ka fale cung ah a tlung kho ve maw ti a hal cun doctor pa biachim mi nih cun khuaruah harnak lianpi a pek .

No description available.

Doctor pa nih cun ” Richart hi bantu zawtnak a ngeimi cu cii an thlah kho lo i fa zong an ngeih khawh tunglo ” tiah a chimh i Richart ih cun a si kho lo hi result hi a hman lo i a si lai , zeica tiah ka nupi he fa pathum pei kan ngeih cang cu tiah a chim i Doctor pa zong cu a lau tuk ve . Cuhnu ah cun doctor pa nih cun Richart cu a mah lungtling tein a voihnih nak a check than i a hmasa i a hmuhmi zawtnak cu a hmuh thiamthiam tik ah lunghrin ding a um tilo Richart cu fa ngei kholo mi a si timi cu a fiang tuk cang .

No description available.

Cutik ah Richart nih cun khua fakpi in a ruat i a nupi he an rak i ton ning te hna an i umh hnu i sipuazi ruang ah lamhla pi ah thla tampi chung khual a tlawn te hna , a nupi zong rianherh dang ruang ah hmundang ah a mah lawng khual ah can saupi a va um mi te hna cu a ruat i cuchung ah cun ka nupi nih hin padang he an rak it ti lengmang timi cu lunghrinh nak nganpi a thinung ah a hung lang thuahmah than . Cutik ah cun Richart nih cun a nupi thing cu message a kuat i sizung ah a kalnak kong le fangei kholo mi a rak sinak vialte cu a chimh dih i kan fa pathum hi mizei fa dah an si titiang in bia a hal .

No description available.

Asinain a nupi Kie nih cun a message cu a hmuh i a rel ko nain zeihmanh a rak reply hlei lo . Cuhnu ah cun Richart cu a beidong tuk i a nupi cu phone a call i biadik na ka leh lo ah cun ka fale an pathum in ka ton hna lai i an pa taktak ka silo nak kong tha tein ka chimh hna lai i an ngeihchia lo dingin ka hnemh fawn hna lai tiah a nupi sin ah a chim tik ah , anupi nih cun Richart kan fale pathum hi nangmah fa bak an si ko na thisen na hrin mi nangmah le keimah fa bak an si ko tiah a rak leh than .

No description available.

Asinain Richart cu a thinung ah zumhnak a um kho tilo i an fapa upa bik University kailio mi cu a ton i aa sining vialte cu a chimh dih i na pa taktak ka silo tiah a chimh .A fapa nih cun mithli he ka pa taktak na si lo maw tiah a hal tik ah Richart nih cun a tap bu in ” Na pa taktak cu ka si ko nain biological father cu ka si lo ee” tiah a leh than . Cutik ah a nupi Kie zong nih cun Richart le a fale sin ah cun a sining taktak cu hi ti hin a phuan . Richart theihlo in Ban ah riantuan tu pakhat heb london ah an tlawn i Hotel pakhat ah an tlunti nak kong le nupa sinak an hmanti nak kong vialte a chim dih lawlaw .

No description available.

Richart nih cun a lungfah le a thinhun celhlo ah a nupi cu misual taktak a rak si a ti i hremnak pek ve hrimhrim ding ah timhtuah nak a ngei . Cun a mah bak nih mithiam pahnih a auh hna i a sining taktak cu a test ter than hna hnu zong ah cun fangei kholo mi a si nak cu fiang tuk in an fehter than .Cuhnu ah Richart nih cun a fale a hniang lei pahnih cu a auh hna i an DNA a test ter i a mah fa hrimhrim an rak si taktak lo . Asinain an fapa upa bik university kailio mi nih cun a DNA simple hrim a pe duh hna lo i doctor tenih an chim mi bia zeihmanh ah ka rel lo .

No description available.

Ka pa taktak na si ko tiah lungthawng ngai in a dir peng ve . Cun ka nu hi na report i court ah buainak chuahpi nai timh a si ah cun zeitik hmanh ah ka pa tiah kan au ti lailo i ka muizongn n aka hmu ti lailo tiah a pa cu a ti ve fawn .Asinain Richart nih a nupi Kie cu 2016 kum ah Court pakhat ah report nak a tuah thiamthiam .A fapa a hnainglei pahnih nih cun a pa thiltuah mi cu an dirpi i “Ka pa zeitiang poah na phak zong ah na lei ah kan ttang zungzal ko lai ” tiah an pa cu an dirpi nak an langhter ve .

No description available.

Court nih cun bia a ceih hna i a nupi ‘Kie’ cu an i umh hlan in an i umh hnu pinlei tiang a pasal cung ah zumh a tlak lo nak le padang he an sining vialte cu pholangh a si i court nih cun Dollar ting 3 cawi dingin hremnak a pek .Asinain a nupi ‘Kie’ nih hin thil pakhat nawlnak a tuah ve i cucu an fale i an pa taktak a simi hi cu zeitik hmanh ah langhter ai timh lo nak kong a si . Asinain Richart nih cun an fale pathum i an pa a si mi nih hin a rauh hlan ah tlangval pathum hna i an pa a si nak i thei in a rak langh ve colh nak hnga bia a chim ta ve .

No description available.

Hi kong kan tialmi nih hin kan nunnak ah cawnding tampi a kan pek i nupi le pasal karlak ah siseh , nungak tlangval karlak ah siseh zumhtlak lonak nih cun kum tampi chung buainak chuahpi lo in i thup kho hmanh seh law a can a zat tik ah cun a lang chuak thiamthiam i kan mah lawng nih tuar lo in sualnak ngeilo midang zong nih kan mah zumhtlak lonak theitlai cu an tuar khawh ve caah na nunnak kha veng law na thinlung kha venghim law mi pakhat caah zumhtlak tein nun khawh i zuam zungzal.

Note : Hi bantuk thawngpang hi careltu nih nan i hlawkpi i nan caah thathnemnak a chuahpi i nan duh a si ah cun comment nak ah rak langhter ve u law kan rak i zuam than lengmang ve lai.

Be the first to comment on "A Fapa le Pathum i An Pa Taktak A Rak Silo Timi Ai Theih i , A Nupi he An karlak Ah Thil Lian Tuk mi A Rak I Thup Mi Zong An Theih Than"

Leave a comment

Your email address will not be published.


*