A Inn Tanglei In Thawngpang Maktuk mi A Theih Tawn Caah, Theihfian Duh in A Van Hlathlai Hnu i A Thilhmuh mi Cu Khuaruah Har A Si Ko

No description available.

Simon Mark timi pa nih cun england ram khuapi pakhat ah inn thangai mi mantlawm tein a cawk i a herhmi ca pawl an tuah dih hnu cun phaisa zong tlamtling tein an i pe ve i inn cawtu pa kum 30 mi simon mark zong cu a innthar cawkmi kong ah cun ai lawm ngai ve. Asinain zeiruang ah dah hi inn hi a ngeitu hna nih hin man tlawmte in an zuarnak a si timi le zeiruang ah dah hnawh hnam ngai in an inn hi an zuar timi tu cu a thinlung ah a ruah awk zong a rak thei lem lo.

Simon mark cu a inn thar cawkmi ah cun a thilri pawl cu a thiar hna i cu inn ah cun khuasa dingin a vai i thial ve. A innchung thilri pawl cu tha tein a siamremh dih hnu ah a thaba ngai in a phone ah cun thaizing tlai deuh tho te dingin zinglei nazi 8:00Am ah a larm a set i zan ah cun it ding in timhtuah nak a van ngei.

No description available.

Zaan aa hngilh cuahmah lio ah cun ruahlo pi in thawngpang a theih i a hna a van tun cu a innchung lei silo in lenglei tu in thawngpang cu a theihmi a rak si. A thawngpang theihmi hi hnachet tuk le hnahnok tuk mi thawngpang cu a si lo nain zaan lai i hngilh lio i theih ding ah cun hngilh kho lo ding tluk hrawng tein mi hna a hnawh ve caah a siarem lo ngai. A thawngpang theihmi cu a chim thiam ning ah cun thir le thir i khawngdeng sehlaw a lo tiah a chim.

No description available.

A siarem lo caah a itnak cun a tho i thlalangawng lei cu a hei bih i lenglei ah zeihmanh thil a cawlcang mi zong a um lo tik ah le a theihmi thawngpang zong cu a daih cang caah lungtha tein a itnak lei cu a panh than i mitkuh thaw ngai cun aa hngilh colh than. A thaizing a thawh tik ah cun a inn hram i a chihmi a motor cu mongh a va timh i a motor ke cu a kal kho bak lo. Zeidah a si hnga tiah a motor cung cun a tum i a motor ke a van zoh cu a motor ke hmailei zawn nih a lamh mi vawlei cu a rak niam diam i a ke cu a rak tlak bia a rak si.

No description available.

A motor cu duhsah tein a thawn i hmunrem deuh ah a va park than hnu ah a motor ke a tlaknak vawlei zawn cu fiang tein a va zoh i vawlei dang he a rak dang ngai i a vawlei cu a nem ngai fawn ti a theih khawh. Cuka hmun ah cun zeidah thil sining a si hnga ti theih duh ah a van zohfel deuh i zaanlai i a theihmi thawngpang thir le thir aa khawngmi thawngpang bantuk cu – cuka hmun cun a theih than i a khuaruah har ngai cang. A inn cawkmi hi 1970 kum ah rak sak cangmi a si ti cu a ngeitu hna sin in a theih cang nain tu bantuk a hmuhmi vawlei kuar mi kong tu cu zeihmanh an rak chim lo i a thei ve lo i mak a ti ngai ngai.

No description available.

Cuka vawlei kuar cu zeiko dah a chung ah a um hnga ti in poh-pia a vai i lak zau i vawlei cu a cawh, a zumh bantuk te cun vawlei dang bantuk silo in fawin te in cuka vawlei cu a van ceh khawh colh i a lunghring chin lengmang ve. Tlawmpal a van cawh cun thir a tuk sual i duhsah deuh in a van virh khoih deuh i thir pi cu awlsam tein a van chuahpi khawh. Thir tlep pi a chuah khawh cun pe 3 hrawng kau in a kua dup i cuka a kua mi ah cun minung luhnak ding ti theihkhawh mi hlei saupi a rak um i a chung ah luhkhawh a si ti cu a fiang taktak.

No description available.

Simon cu a mah lawng a chung i luh cu a ngamh deuh lo i zeidah thil ai thup mi a um hnga ti le theih a duh fawn tik ah a pa cu a ran nak in a chawnh i a pa a rak rat hnu ah an pafa cun a hmuhmi kua chung ah cun thil sining theihfian duh ah luh an i tim. Simon nih cun a ttihtuk bu cun mino deuh tiah a luh hmasa i sau zong a luh hlan ah a rak kir colh than i a innchung ah a phone a va lak i selfie trick a va lak i a phone cun a luhnak kua cu hmana thlak thluahmah hna i, cuti cun a caah tihnung mi thil a um maw ti a zoh hmasa hnu cun duhsah in kua chung ah cun a lut thluahmah. A donghnak bik a si cang ti a fianter nak ah a phone hmanthlak chung ah cun room pahnih a rak lang.

No description available.

Simon nih a cawkmi inn ngaitu hna nih hin hi vawleitang i a um mi room pakhat kong hi zeihmanh an rak chim lo i an mah zong nih an rakm theihlo ca maw a si hnga an thup duh ruang ah dahb a si hnga timi cu a ruah tik ah a khuaruah a har ngai. Cun a rak i thial zan i thawngpang a teihmi zong kha hi vawleitang room luhnak zawn theng te ah a motor a dirter ruang ah a chuak mi thawngpang a si ti a theih tik ah a khuaruah a har chinchin. Simon a pa cu a chung ah cun a rak phan ve i a pa nih cun “aww… bomb puah tik i zaamnak le i dornak hmun pei a si ko hi” a ti i a chung ah tha deuhin an van zoh tik ah hlanlio vawleipi ral pahnih nak lio i news paper pakhat dah tilo cu thildang zeihmanh hmuhmi an ngei lem lo.

No description available.

An pafa cun cu vawlei tang inn-khan an hmuhmi kong cu an van hlathlai deuh i an theihthan mi cu 1938 kum lio ah vawleipi ral pahnih nak lio ah khan mi pakhat “Sir John Underson” an timi pa nih cun ral a chuahtik i chungkhar himnak ding caah ti in i dornak buk bantuk in an innpawng cio ah mah tein i sak cio ding timi cu a rak hmuhchuak i, a sinain a tu i an hmuhmi tu cu Underson nih a sak ningn bantuk silo in tlakrawh bak in special in sakmi a si pin ah room pahnih bak a si fawn tik ah a mak an ti ngai fawn.

No description available.

Simon te pafa nih cun an thil hmuhmi cu an innpawng kam minung le reporter pawl sin ah an chimh hna i, asinain hi thil an hmuh ruang ah min lar le mi theih ah interview bantuk in komh cu an duh lo nak an langhter ve. Cun Simon nih hin hi a thil hmuh mi hi hmailei ah a caah thahnem sidingin tha tein zohkhenh a timhnak kong cu a chim ve. Source : Dailymail

 

Be the first to comment on "A Inn Tanglei In Thawngpang Maktuk mi A Theih Tawn Caah, Theihfian Duh in A Van Hlathlai Hnu i A Thilhmuh mi Cu Khuaruah Har A Si Ko"

Leave a comment

Your email address will not be published.


*