A Mak Lai Hih Kanpu Donald Trump Cu March 4 Ah US President A Tuan Than Cang Lai Hi Teh

Conspiracy zumhnak kalpi tu QAnon hnu zultu pawl nih 2021, March 4 ah Donald Trump cu US rampi hruaitu dik dirhmun in a tharin voi 19 nak US president a ṭuan tthan lai tiah an aupi. Kum 2020, US rampi thimnak ah an duhning in thil a canlo ruangah a tu bantuk in ruahnak phundang an van chuahpi nak hi a si.

Trump Reportedly Knew—And Concealed—How Dangerous COVID-19 Really Is | SELF

Cuthil zongcu an mah khuakhan lairel nak i tuaktan mi zumnak/ruahnak siloin sovereign citizen movement ti i auhmi mibu pakhat nih zumhnak an neih i thazang an chuahpi mihna a si. Cubantuk i an zumhnak cu ca in siseh, document xerox copy in siseh QAnon social network Gab le Telegram ah biatak ten an tlangzarh.

An nih hi US cozahpi nih ralhraang ṭihnung cawlcangh nak pakhat banruk i a zoh mi mibu an si. An zumhnak hrampi pakhat cu US Phunghrampi 1871 act nih US rampi cu corporation kut chung ah a phakter an ti.

Trump Reportedly Knew—And Concealed—How Dangerous COVID-19 Really Is | SELF

Curuangah cun cu hnu i US President thimthar mi poh poh cu (voi 19 nak US rampi President Rutherford B. Hayes telin) US rampi President dik ah an pom duh lo hlei ah US phunghrampi i Uk mi ah kan i telve lo an ti. Cupin ah 1933 kum ah President Franklin D. Roosevelt nih Gold Standard timi Ukawdan a donghter i, cu ai ah US mipi cu foreign investor pawl sin ah a zuar thlu hna tiah an zumh.

QAnon nihcun March ni 4 phak lai cu ai ngeih taktak, an nih pawl hi thil dik lomi le mah ruahnak i khuakhan lairel i mumal a neilo mi, politic lei luan tuk i a lutmi tawlrel nak zumhnak (far-right conspiracy theory) a chuahpitu an si.

Bob Woodward's New Book Says Trump Admitted Minimizing Coronavirus - The  New York Times

Liberal Hollywood lemcangthiam le Democratic politician pawl cu sehtan a biami an si i nonal peng duh i nun khuasau dingin hngakchia thisen an ding pengmi an si tiah zumnak an nei.

Cupin ah vulei cung huap in hngakchia zuarnak (nupa sinak hmanpi le an sa ei dingin) timhtuah nak a ngeimi pawl group chung i ai telve mi an si tiah zumhnak an nei i cupawl nihcun Pu Trump hi an ral i hiti dirhmun i ah an chiahnak hi a si tiah an zumh.

Trump Will Give Republican Convention Speech in Jacksonville - The New York  Times

Cubantuk sehtan a bia mi pawl i dohnak le heknak cu January 20 in US President ṭuan tthan tuding Pu Trump nih a tei lai i a naan cikcek lai tiah zumhnak an nei.

Asinan, tu i an aupimi pawl hi cu Pu Trump a tlak ruangah a takin a cang kho loding dirhmun ah a um. An rak aupimi si tthan kho ding cun Pu Trump hi President ah an canter a hau. Curuangah an zumhnak si taktak kho dingin sovereign citizen movement zumhnak an ṭawmpi hi a si.

Are Trump's August Controversies Careless—Or Calculated? - WSJ

QAnon zumhnak a dirpi tu website pakhat nihcun “Kan zumhnak hi a tthawn hrim hrim a hau. Biden hi kan President dik a si lo. Pu Trump ai dinh chungah chikhat chung tthutden sang ah a van tthu vemi lawng a si.Kum 1871 in an rak herkualmi US rampi Uknak cu March 4 ah a dih lai. March 4 ah US President voi 18 nak a simi Ulysses S. Grant rianṭuan pehtthan in Donald Trump nih Voi 19 nak US President a ṭuan ding a si” tiah an tarlangh.

“QAnon le sovereign citizen movement hi an kalpi mi zumhnak a khatmi zong a um ko. Nan, tukum January thla hrawng hin QAnon hnu zultu tamdeuh nihcun sovereign citizen movement ruahnak cu an lungtlin pi ve cang” tiah conspiracy theory researcher Travis View nih a chim. (Calettu – NHS)

Be the first to comment on "A Mak Lai Hih Kanpu Donald Trump Cu March 4 Ah US President A Tuan Than Cang Lai Hi Teh"

Leave a comment

Your email address will not be published.


*