A Nungak Nu Zumhawk A Tlak Lo Caah Hiti Bak In Lampawng Ah A Tlangval Pa Nih A Mual A Pho Ter Ve Ko Hih A Thil Tining Cu A Pa Bak (+ Video)

Vawlei cung thilmak mi lak ah cun, khuaruah har bak a si i, an tawn mi thil ruang ah i phiat ai tim mi nungak le tlangval cu, lampawng ah fakngai in an i si rih hoi. An pawngkam i a um mi putar nih cun, a si khawh chung in a rak tlangtlak hna nain a biachim mi zong zei ah an relpiak lem loh.

Indonesia ram , Ngaliyan khua i thil cang mi a si i, tlangval pakhat nih cun a nungak he i phiat a duh nak kong cu, lampawng bak ah Billboard in a langhter.A tarmi ahcun a nungak nu hmanthlak le ca a telh chih. Ca a tial mi cu “Ka lung na kuaiter i midang cung ah na ka kaltak. Curuangah felfai tein nangmah he i then hi ka duh tiah a ti.

Hmanthlak a tar mi cu nungak nu nih a hmuh tik ah, A pawng ah tlangval pa zong cu a rak umlio ngelcel a si i, thi deng in an i si, nawlnei tu pawl nih an tlangtlak hna. Tlangval i a cawlcang ning cu a phuung si loh tiah an cawnpiak len.

Bia an i el nak video cu social lei ah an thlah thluahmah i, mipi nih an i buaipi tuk cio hna. A cheukhat minung nih cun, tlangvalpa cu “A pa bak si” an ti lio ah cheukhat nih cun “A va tenau ve” an ti ve hoi. Nungak nu nih cun, tlangval pa a cawlcangh ning cu ningzak bak a si a ti ve.

 

Be the first to comment on "A Nungak Nu Zumhawk A Tlak Lo Caah Hiti Bak In Lampawng Ah A Tlangval Pa Nih A Mual A Pho Ter Ve Ko Hih A Thil Tining Cu A Pa Bak (+ Video)"

Leave a comment

Your email address will not be published.


*