A pasal nih fapa ngeih a duh tuk cang ruang ah, fa a pawi lio mi, a nupi a tuah ning cu Ttih a nung kho tuk e.

Fanu 5 a ngei cang mi chungkhar pa nih a nupi cu fa pawi i, cu a nupi nih fa apawi cuahmah mi cu fa a ngei hlan sizung an kalpi hlan ah, anpa nihcun a nupi cu fanu a ngei tthan sual lai ti a phang ruang ah, fa a pawi cuahmah mi cu, fa ngei a za hlan, akum a tling hlan ah, an nu a paw cu a at i, nu paw a si, pa tiah a zoh hmasa hi a si.

Atu tan i thil a tlung mi hi India ram Uttar Pradesh (UP) state ah a si i September 19 ahkhan a tlung mi a si, An pasal nih A nupi cu blet a har taktak mi in a nupi nih a duh lo buin a tlaih i a at hnu ah a Paw cu a keu i , naute cu nu maw a si pa dah tiah a zoh . a nupi cu kum 35 mi a si tiah zumh a si i, fa a pawinak hi thla 7 a si cang, a tu hi a dirhmun a tha lo ngai i Bareilly Hospital ah zohkhen cuahmah lio a si tiah UP police Official nih an chim.A pasal cu Crime department nih sual an phawt i a bia ceih piak ding in Police kut ah a um cang.

India ram hi kan theih bantuk in, tu ni le caan tiang ahhin mi tam deuh nihcu fanu ngei nakin fapa ngeih hi an duh deuh rih ko, a hlan ah fanu a pawi mi paoh nih fa hrawh i a rak tamtuk caah India a cozah nih fa a pawi mi hna cu fa an ngei hlan ah nu maw a si pa tiah theihter ti ding in nawl an pek hna, cu pinah nau a hrawhtu an hngalh hna ahcun fak piin dantat ding law an rak tuah hnu ah India ram cu tlawmpal aa rel deuh nain tuni tiang ah micheukhat cu sibawi hna phaisa pek in nu maw a si pa tiah a thli tein an hal hna i nu a si ahcun an hrawh peng rih ko.India ram nih nu an duh lonak a ruang bik cu Nu cu va a ngei ah chungkhar phaisa tampi a dihtertu a si, midang fa bantuk an si tiah an ruah caah nu hi an duh lonak a si. Source The Hindustan Time.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.
English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

 

Be the first to comment on "A pasal nih fapa ngeih a duh tuk cang ruang ah, fa a pawi lio mi, a nupi a tuah ning cu Ttih a nung kho tuk e."

Leave a comment

Your email address will not be published.


*


error: Content is protected !!