A Pi nih Blanket Puan Pakhat Te A Chiahtaak Mi Hmangin Minutes 2 Chung ah Mirum Tuk ah An I Chuah Colh

Atu kan rak langhter mi pa hi a min ah Lowren ti a si i a farnu he khua a sami a si. A farnu hi a mahnak upa deuh a si a fanu nih hin a ttapa Lowren hi a daw lem lo i mithmai tha zong a pe bal lo. Lowren hi leh-ta-ma a si i a mah tawqk tein phaisa zong a hmu kho pah ve mi a si. Asinain a upa nu nih cun zeitim hmanh ah hmurka tha le mithmai tha in a zoh in a chawn bal lo.

No description available.

lowren nih hin mi chungkhar aa dawmi a hmuh hna can ah hin a hngartuk ve hna i mah bantuk chungkhar aa dawmi bak dirh kaa zuam ve lai tiah a thinlug tein saduh a that tawn. A farnu cu tlangval a ngei i a can a cut cun pasal a ngei i an inn zong cu a chuahtaak ve cang. An inn a chuahtaak hnu chinchin cun an ttafar cun an karlak dawtnak cu a tlau chinchin i a hmuh zongn an i hmu ti lo.

A can tete lawng ah an i hmu i an i hmuh can zong ah hin a farnu nih hin a ttapa cu a chawn duh lemlo i a chawnh hmanh ah bia chiakha deuh in a chawnhbiak thiamthiam rih ko. A ttap nih cun zeiruang ah dahb ka farnu nih hin mahtluk in a ka huat hnga aww a ti i a mah le mah a lungdong i a ruang zong a thei kho fawn lo. Asinain ka farnu nih hin a ka huat tuk ko nain pakhat khat a cung ah thi thil thalo phan seh law a caah ka dir thiamthiam ko lai i keimah zong pakhat khat ka cung ah cang sual seh law ka caah far tha tak a si thiam ve ko lai timi belte zumhnak a ngei peng ve rih thiam thiam ko.

No description available.

Lowren cu a hung puitling deuh ve i nungak a ngei i a nungak he cun an i um i hmunkhat te ah chungkhar an dirh ve cang. Lowren te nupa hi mi sifak ti awk ngai cu an si lemlo nain mirum zong an si lo i an mah tawk in aa cawm kho men an si ve caah a nupi zong cu part-time in rian a tuan pah ve. Zankhat cu Lowren a truck mongh cuahmah lio ah cun lampi in motor mit ceu nih a rak ceuh tuk i aa pah ding an si cang caah a mah tu nih a hrial i, a hrial nak ah cun a truck monghmi cu aa let i a mah cu fakngai in aa khawng.

Motor dang amah he aa pah dengmang mi nih cun a zam taak diam fawn. A mah te cun a tho kho tilo i cuka hmun ah cun cansau ngai tho kho tilo in a um. Mi choklet pawl nih an hmuh i an zuan hnawh cu a rannak in sizung lei ah an kalpi. Doctor te nih a taksa cu an check tik ah a taksa dang cu faktuk in aa khawng lo nain a ke a kiak. Cansaupi chung sizung ah cun a ke cu doctor te nih an thlop i phaisa zong tampi an dih.

No description available.

Sizung a chuah hnu kum 1 tiang zeirian hmanh a tuan kho tilo i cuti cun a ke hliam ruang ah cun lungdong ngai in a um. Doctor sin ah a vai i piah than i doctor te nih a ke an zoh than tik ah cun na ke ruang ah hin na taksa dang tiang a chunglei in a hrawh dih cang i na nunnak ca tiang tih a nun caah na ke hi nai tan a hau tiah an rak chimh. Lowren cu a lungrawk taktak, a sinain ke tanlo i duhsah tete in a nunnak caah tihnung sinak cha cun a ke tan i hi vawleicung ah nun ve rih cu a duh deuh caah a ke tan ding cun operation tuah ding in biakhiahnak a tuah.

Doctor te nih cun tlaung tein a ke cu an tan piak i sizung cun a chuak kho ve cang. Asinain accident a ton thok in a ke an tan piak tiang hi a mah ai thlopnak ah phaisa tamtuk an dih cang i zeihmanh ngeihmi an ngei ti lo. An inn le lo zong an zuar dih cang i umnak inn hmanh an ngei tilo i khualai ah a it men ding homeless dirhmun tiang an phan cang. An fanu pakhat lebang cu a pi le sin ah um chung ding in an kuat. Ke pakhat lawng a ngei cangmi sihmanh sehlaw chungkhar pacem dirhmun a sinak cu aikhat thiam i a tuanvo cu a lian tuk thiamthiam, a caah lungdong taktak a si cang.

No description available.

Cuchung vialte cu a farnu nih voikhat hmanh a rak zoh lo i a bawm hna lo i a chawnh hmanh a rak chawn bal hna lo, cu ko cu Lowren caah a thinlung fahbik nak a si fawn. Lungdong ngai in an um lio ah cun Lowren a hawipa nih a rak chawnh hna i khualeng deuh ah inn ka ngei ko i free in um nan duh zong ah nan um ko lai tiah a rak chimh hna. Lowren te nupa zong nih cun free em em i um cu an duh ve lo caah phaisa tlawm te an pek ve i cuka ah cun an nupa cun khua an sa.

Canrau lo te ah Lawyer pakhat nih a rak call hna i Lowren na pi a thi i zeihmanh ro an chiah taak mi hna a um lo .Asinain a thil ngeihmi tete tal hi na rak i lak khawh tiah a rak chawnh. Lowren cu a pi khuasak nak inn ah cun a va kal i mifir nih rak luh hnawh hna sehlaw cubang a pi inn cu a lunghring ngai. A pi inn a va phak tik zong ah cun a farnu nih a hlan ah a rak phak kanh than i a pi thil ngeihmi vialte cu a rak i lak dih cang fawn .Zeihmanh a rak taang ti lo i a pi itnak room chung ah cun a va lut i a pi puan pakhat te lawng arak tangmi cu a va hmuh.

No description available.

A pi philh lo nak ah ti in cu a pi puan pakhat te cu a lak ve i a innlei ah cun aa ttin pi ve. Cu puan cu an suk i tha tein an bil i an chiah sawhsawh men ko. Kum 7 chung cu a pi puan an chiah sawhmi cu puan sawhsawh a rak si lo. Voikhat cu Lowren nih TV Show pakhat a zoh cuahmah lio ah nu pakhat nih cun puan pakhat a van chuah i cupuan cu dollar man tam taktak man a si nak kong a chim. Cu puan a langhter mi cu Lowren a pi puan bantuk bak cu a si.

Lowren cu a lau tuk i a ran nak in a pipuan an chiah mi cu a va lak i aa khat maw khatlo ti cu tha tein a zoh chih .A pi puan le TV Show an langhter mi puan cu a rak i khat bak te a si. Lowren nih cun a nupi sin ah cun a chimh i a nupi nih cun a lung thawh pi lem lo, dollar 10 hrawng lawng ah na manh lai a rak ti piak sawhsawh men ko. Cu hnu ah cun Lowren nih cun a mah tein puan zuarnak hmun ah a va kal i puan zuartu pa cu mah ka puan hi zeizat in dah na ka caw ngam lai tiah a va hal.

No description available.

Puan zuartu pa nih cun Dollar 50 lawngin ka duh a rak ti ve .Asinain cupa nih cun cu puan a hmuh cun a lau tuk timi a mithmai ah a langmi cu Lowren nih cun fiang tein a hmuh khawh. Cuhnu ah cun Lowren nih cun a mah tein online ah hlanlio thil manfak pawl an man a sunlawi ning te hna cu a mah tein a zoh hna i a donghnak ah cu bantuk hlanlio thil mansung pawl a cawtu pa an lu cem cu a hmuh.

Cupa cu bawmhnak a hal i cupa zong nih cun a office ah a auh colh ve. Lowren cu a ran nak in a office ah cun a va kal i a puan zong cu ai ken. A puan cu office chung ah cun an zoh i Lowren zong nih cun hi pa nih hin a ka bomhkhawh hrimhrim lai timi cu ruahchan nak sangpi a ngei ve. Asinain cupa nih cun na puan hi a tuh maw asi a sit dah timi theih nak ding ah hin keimah thiamnak lawng nih cun a tlinhlo i ka hawipa University ah a tuanlio mi, hlanlio puan kong he pehtlai i na zeipoah a theimi pa ka rak chimhchawn ve lai i na puan hi zeitluk mansung dah si timi cu kan theih khawh hrimhrim ko lai tiah a ti i Lowren zong cu a office cun a lawi ve.

No description available.

Lowren nih cun ka pi puan te hi mansung taktak a si ko lai timi zumhnak a ngei chinchin i ai ruahchan nak zongn a sang chinchin ve. Ni zeimawzat a liam hnu ah office lei cun phone an rak call i na puan rak la than tiah an van ti .Lowren cu a ngeihchia ngai i ka pi puan hi zeihmanh man a ngeilo mi pei a si ko la hi tiah a ruah ve than. A hlan i inn tha te ah chungkhar nuam te an um ti lio can bantuk kha hmu kho than ning timi a saduhthah cu a lian hringhran.

A nupi zong nih cun na pi philhlo nak asi i man ngeilo mi a si zong ah kan caah cun a sunglawi thiamthiam ko ee tiah a hnemh ve i an nupa cun office lei ah cun an pi puan la ding cun an kal. Office an phak cun an pu pa cu a mithmai ah lomhnak a um tik ah an nupa cun an i lawm pah ve than, anpuan kong a theimi an pu pa nih cun hi ti hin a rak chimh hna. “Hlanlio AD kum tampi a liam cangmi chan ah khan miphun pakhat a simi nih an mah kut tein puan an rak tah ve i cu puan cu american le spanist pawl nih an duhbik mi puan a si.

No description available.

Chun ah angki bantuk in an i hruk khawh i zan poah ah puan bantuk in an hman khawh fawn, a sinain a man a fak tuk i mikip nih ngeihkhawh lomi puan a si caah ‘siangpahrang’ puan tiah min an pek mi a si. Cun na vanthat khun nak cu hi na puan hi puandang nak in aa dawh khun mi puan a si i mah bantuk puan hi cu vawleicung ah zun 50 hman a um ti lailo tiah an ruah cangmi a si. Mirum tampi nih cun hi puan hi ro caah cawk an duh i an kawl zungzal mi a si ” tiah a chimh hna i an nupa cun lomhnak in an khat.

An pu nih cun zuar nan siang lai maw tiah a hal hna i Lowren te nupa nih cun aw kan sian tuk ko tiah an leh ve i , a sinain a pi puan a si ve tik ah a siang pah lo nain a pi puan hmang tein an dirhmun aa thleng dih ding cu a saduhthah tuk a si ve fawn. A puan kong cu internet ah a langhter ve i comment a tam taktak i a puan a man a rak tam nak kong cu a theih chin thluahmah. Online ah a puan kong a post hnu zarh khat a rauh ah nu pakhat nih a rak chawnh hna i na puan cu Dollar ting 2 in kan cawk hna lai tiah a rak hal hna.

No description available.

Lowren nih cun dollar ting 2 cu a tamtuk ko a ti i aw tiah zuar a timh bak ah office lei ah kan pu (puan konng atheimi kha ) ruahnak ka va hal ve ta lai a ti i a kal than. Office a va phak cun an hawipa nih cun na puan hi dollar ting 2 man lawng cu a si hrimhri lo can tlawmpal hngak deuh rih ko tiah ruahnak a rak cheuh ve than. Ni tlawmpal a liam hnu ah hlanchan puan mansung pawl langhter nak programe a um i cuka hmun ah cun an nupa cun an puan cu an i ken i an kal ve.

Hlanlio puan mansung pawl cu cabuai cung ah an chiah hna i mirum tampi nih an zoh i heh tiah an tonghthan len hna .A zuartu he a cawtu ding he mi rum lawngte an khat ko. TV Show ah a rak langhter tu puan a tlaitu nu zong kha cuka ah cun aa tel ve i Lowren nih cun a hmuh ve. Puan cu a caw duhtu hna caah pakhat le pakhat i lan nak can cu an van on cang. Item thenkhat pawl cu a man nak tlawmdeuh hna in an zuar i a thenkhat cu a man nak fak deuh in zuarmi zong an tampi ve.

No description available.

Lowren a puan cu an van chuah ve i Dollar ting 1 le cheu in a man cu an van chim ,cutik ah cun Lowren cu a ningzak ngai i dollar ting 2 in cawk an rak hal lio ah khan ziah dek ka rak zuar ko lo tiah aa chir ngai .Aho hmanh nih an cawk taktak duh zongn a zum ti lo. Asinain cu puan cu cawk dingin an ngamh a hung sang thluahmah i mi pakhat nih dollar ting 2 le cheu in a van ti. Cu hnu ah ting 30 in midang nih an van lan than , an i lan thluahmah hna i a donghnak ah Lowren phone in a rak chawn tu nu nih cun Dollar ting 15 in cu puan cu a lan dih hna i a cawk .

Lowren cu a khuaruah a har i a thlan nih a ciah dih , minutes 2 chung bak ah million in dollar a ngeih ve cu a mang ko khi a lo cang. An nupa cun an i kup i an tap thluahmah. Cuhnu ah cun a farnu nih a rak chawnh hna i an thilton mi kong ah lomhpi silo in court ah tazacuai a timh hna nak kong a van chimh hna. Lowren cu akhuaruah a har , khatluk harsatnak ka ton lio ah an ka pehtlai lo i a tu an ka pehtlaih i court ah tazacuai timh ka si cu a ti i a ngeihchia taktak. Lowren nih cun a lawyer nu a chawnh ve i thil siningn a chimh dih . A lawyer nu nih cun na thinphang hlah kan dirpi lai zeitik hmanh ah an in tei lai lo tiah a ti ve.

No description available.

Lowrennih cun na ka dirpi cu phaisa tampi kan pek ve lai tiah an i ti . Asinain a farnu nih cun court ah tazacuai a timh mi cu a cancel than i zalen tak in a ttapa cu nunter than .Cuhnu ah Lowren nih cun hmundang i an chiahmi an fanu zong cu an lak than i inn n i cawk i a duhtuk pengmi cycle le motor special aa cawk i nuam tein an nun an hmang ve than . Source : Dailymail

Be the first to comment on "A Pi nih Blanket Puan Pakhat Te A Chiahtaak Mi Hmangin Minutes 2 Chung ah Mirum Tuk ah An I Chuah Colh"

Leave a comment

Your email address will not be published.


*