A poi tak tak, ISIS Rallian An tho than Naite ah Minung 50 anhngawng an tan hna

1999 Kum donghlei I rak dirhmi Muslim pawl a buu i umnak ISIS cu vulei cung ram pathum ah thawngpang an hong nei tthan i Mozambique ahcun miruak 50 bak an char. Cuhmun cu Certual kamte a si i cuka hmun cu ISIS misual rual nih ruak phumnak ah an hman tiin vulei cung Media ah an lar taktak.

Ruak an hmuhmi pawl cu an lu , an kut le ke ti bantuk tanmi an si hna i Mozambique ram Nanjaba khua nih an tuar bik. ISIS pawl nihcun vulei cung hrocer tthan dingin ralkap an tho tthan cuahmah i tu thla chung bakah cawlcangh nak hmun thum an nei cang i, Cu ram pawl cu Afgannistan le Mozambique ram pawl an si.

November 3 ah ISIS ralhrang tiah zumhmi ISIS i ai tel dingin Siria ram tiang an rak phan cang tiah a theifiang mi pakhat nihcun zan nazi 8pm hrawngah Austria khawpi City Center i mibu i pumhnak cu meithal in a kah chih i minung 4 a kah hna,

minung 17 cu hliamhma fak taktak an tuar. November 4 ah meithal keng pawl nih Afghanistan khawpi Kabul University a luhhnawh i minung 22 a kah hna hnuah minung 22 renglo cu hliamhma fakngai an tuar. Cu thil a tlungmi cu Afghanistan cozah nih ISIS bak an si tiah bia an chuah.

Mozambique ram Nanjaba khua i ruak 50 an hmuhmi cu November 10 ah a si i khua mipi pawl cu ISIS ttih in thinphang taktak in an umko tiah, BBC, Mirror le vulei cung thawngpang kip ah thanh a si. Ruak 50 an hmuh hnuah ISIS ral pawl nihcun Inn tiang an duahpiak hna i cupin ah nungak tlangval pawl zong ceilak an tleih hna.

France ram le Turkey ram zongah ISIS misual i lunghrinh mi an um i an tleih pah len cang hna. (BBC ,Guardian, Mirror)

 

Be the first to comment on "A poi tak tak, ISIS Rallian An tho than Naite ah Minung 50 anhngawng an tan hna"

Leave a comment

Your email address will not be published.


*