A poi tak tak; Matupi le Paletwa ah buainak fakpi a chuak

Hriamtlai phu aho a si ti hngalh lo mi nih Pakukko in Paletwa lei ah facang le eidin a phur mi ke 12 ngei motor cu 2020 February 29 zinglei ah an khangh tiah kan theih. Hi kong he pehtlai in Chin Ramkulh Cozah Chimphuannak Nawlngeitu Sipin Minister Pu Soe Htet nih, “Atu thil a cannak hi Paletwa in meng 15 a hlatnak ah a si. India lei project ca ah diesel le ei ding a phur mi motor a si. Diesel an phurh mi hi a pung in pung 40 a phur mi motor ke 12 ngei a si. Cun, amah motor an khangh lawng si loin motor a zuul mi minung 4 lak ah pakhat hi an tlaih. Atu bantuk in thil an tuah mi hi keimah ka zumh ning ahcun AA hriamtlai phu an si ko lai, tiah ka ruah. Ralkap nih cun atu bantuk in an tuah hrimhrim lai lo ti zumhnak ka ngei,” tiah The Hakha Post ah a chim.

Cun, “Atu thil a cang mi hi Sami le Paletwa karlak ah a si. Paletwa ah eidin tirawl a um ti lo ca ah Matupi lei in facang le eidin a phur. Cun, India project ca ah thil zong a phurhchih. Atu bantuk in thil a tuah hi AA ti dahlo cu ahohmanh an si lai lo,” tiah Myanmar ram Media ngan a si mi Akonethih lutlai Salai Kyaw Moe Htun nih The Hakha Post ah a chim. 2020 February 28 ah AA le Cozah kahdohnak ruang ah khuami minung panga sii-inn an phan i minung pakhat a thi cang. Hi hliam a tuar mi ah hin kanmah Chinnu pakhat zong aa tel, tiah kan theih.

 

Be the first to comment on "A poi tak tak; Matupi le Paletwa ah buainak fakpi a chuak"

Leave a comment

Your email address will not be published.


*


error: Content is protected !!