A Poi Taktak || Hngakchia A Ngeimi Nulepa Kan Si ah Cun Relkhawh Cio i Zuam Hna U Sih

Kum (5) tang hngakchia a ngeimi hna nulepa nih cun i ralring taktak a rak herh ko . Nai te ah kawlram ah kum 5 hngakchia te nih eletric plug a tongh tuangah mei nih a leih i a nunnak a liam timi thawngpang nih kawlram media a luah khat ngaingai lio a si .

Hngakchia caah tihnung a si mi kha hngakchia nih cun an thei rih lo caah a theitu upa lungfim nih an mah he i hlatnak ah chiahpiak le an mah ven kha hngakchia ngeimi caah cun a biapi bikmi rian a si .

Hngakchia lente celhnak kan cawkpiak tik hna zong ah a zumhar mi pawl cu hrialthiam i an mah caah fahnak a pe kholo mi thilri tete cawkpiak thiam zong hi a fim mi nun a si fawn .Hmanthlakna hmuhmi hngakchia te hi a nule pa nih ai lenh awk ah motor lem an cawkpiak mi te cu a ke a tlong sual i a lu ah ai sawh sual .

A rannak in sizung ah an tlikpi manh i a nunnak cu a him . A sinain phaisa tampi dih in an thlop .Doctor te nih an chim mi cu hi hnu cu hngakchia lente celhnak nan cawk tik zong ah a tlong kho mi a si maw ? a zum harmi a si maw ? timi kha tha tein nan zoh cang lai .

Culo ah cun hngakchia an thluak tiang a hrawh khawh i , cupin ah nule pa nih harsa ngai in nan kawlmi phaisa chawva zong kha nan mah daithlan ruangle hngakchia nan fen thiam hna lo ruang ah a herhlo nak ah phaisa ting tamtuk nan dih kho tiah ralrin nak a rak pek ve hna .Hngakchia a ngeimi kan si ah cun a thar in i ralrin nak thinlung ngei than cio hna usih .

Source : MYANMARTODAYLIFE

Be the first to comment on "A Poi Taktak || Hngakchia A Ngeimi Nulepa Kan Si ah Cun Relkhawh Cio i Zuam Hna U Sih"

Leave a comment

Your email address will not be published.


*