A poi tuk cang ee!! Iran nih US cu a tuk ve cang Vawlei raltuk -3 a thawknak a si ko cang lai lo maw?

Iran : Pentagon nih a phuanningah cun Iran nih an ram chungah a ummi US ralkap pawl umnak hmun hnih cu voi 10-nak tam rocket in an tthuat hna tiah a langhter. Tehran le Washington karlak i hmuhthiam lo ruangah US ralkap umnak  Anbar Province-ah a ummi Ain al-Asad base le Erbil base cu Iran nih rocket in a tthuat hna.

US nih Iranian Commander Qasem an thah ruangah hi rocket hi Iran nih lehrulhnak caah a timi a si. Iran nih biakamnak a tuahmi cu US nih an Commander an thah ruangah a fahkhawh chung fakin lehrulhnak kan tuah lai an ti.

Iran nih a ram chungah a ummi US ralkap pawl rocket in a tuknak he pehtlaiin President Donald Trump tu nihcun “all is well” zeithil paoh a ttha dih ko tiah Twitter-ah a tweet. “A Ttha dih ko” Iran nih US ralkap umnak an phomh ruangah hliamhma a inngmi le thil a hrawhmi zong a um lai, zeizong sisehlaw a ttha rih ko, Vawlei pumpi-ah raltuknak hriamnak a ngei tthacem ram kan si nihinni tiangah cun, zeibantuk thil dah kan tuah lai timi cu January 8, 2020-ah ka phuan te lai tiah a chim.

Iranian Foreign Minister Mohammad Javad Zarif tu nihcun Twitter-ah a langhtermi cu Iran nih i dohnak chuahter maw tuah kha kan duhmi a si lo tiah a chim. UN Phung Article 51-nak he pehtlaiin kan mah le mah kan i ven a hau, kan ram chhungah kan miphun le senior officials pawl cu zeihmanh tuah ngamlo in tuk an si ruangah venhimnak he pehtlaiin kan tuahmi a si. Kan miphun kan ven hna a hau i dohnak chuahter kha kan timhmi a si lo tiah a tweet.

Be the first to comment on "A poi tuk cang ee!! Iran nih US cu a tuk ve cang Vawlei raltuk -3 a thawknak a si ko cang lai lo maw?"

Leave a comment

Your email address will not be published.


*


error: Content is protected !!