A poi tuk cang ko ee!! Ttih an nung ning a lang thluamah cang. Min Aung Hlain nih phunghrampi rem i tim hla u, nan rem kho hlei lai lo a ti cang

A bia chim ning cu ttih nung bak a si cang ko hi, mah bantuk in mipi sin ah ralrin peknak bia bak a vun chim cang ko hi. Senior General Min Aung Hlaing nih rammi hna cu ralrin peknak bia a chimh hna, “Democracy lam zulhnak caah 2008 phunghrampi he pehtlaiin harnak a sertu paoh paoh cu cozah in lehnak tuah a si lai,” a ti. Myanmar cozah ralkap bawi nih Japan cazual (newspaper) pakhat, Yomiuri Shimbun sinah a chimmi cu, ralkap nih fektein ram a um khawhnak caah rian an ttuan, democracy phunglam zul dingin tuahsernak ngeih cuahmah a si.

“Phunghrampi hi thlen khawh a si lo, ram nih tthanchohnak a ngeih khawhnak caah liamcia caanah khan voi tam taktak thlen a rak si cang, tuchunni ahcun kan kalning a feh khawhnak caah rian kan ttuan,” tiah Japan cazual pakhat sinah nithumni-ah khan a chim. “2008 phunghrampi he pehtlaiin harnak a sermi paoh cu a herhning in lehnak kan tuah colh lai,” tiah ralrinnak bia a chim.

Phunghrampi nih a cohlan bantukin parliament-ah ralkap nih seat 25% an ngei, phunghrampi remhnak caah hin a tlawm bikah MP dihlak in 75% nih an cohlan a herh, ralkap nih ram chung himnak caah a herhmi vialte Defence and Home Affairs zong an tlaih dih. Myanmar ramah ruling party, National League for Democracy (NLD) nih thimnak an ngeih lio i biakamnak an rak ngeihmi bantuk in January thlaah khan phunghrampi thlennak caah an draft mi vialte cu an rak submit dih cang.

NLD nih phunghrampi remh-awk-ah an chuahpimi dihlak kha 114 a si i, remh-awk an timi lakah pakhat cu, parliament ah ralkap nih seat 25% an ngeihmi tlawmter deuh a si. NLD nih remhawk an tining ahcun, thimnak ngeih nawlh tikah ralkap seat ngeihmi cu 15% ah tthumh, 2025 thimnak ngeih tikah ralkap nih an seat ngeihmi cu 10%-ah tthumh tthan dingin le 2030 thimnak a phanh tikah cun, ralkap seat ngeihmi cu 5% lawnglawngah chiah a si.

Phunghrampi remhawk-ah an chuahpimi hi a tlamtlin khawh a si ahcun, ralkap nawlngeihnak cu Myanmar ramah a dong thluahmah cang lai. Sihmanhselaw, Snr General Min Aung Hlaing nih ralrinnak bia a chimmi cu, NLD duhning in phunghrampi kan remh ahcun ramchungah buainak a um lai, politics he pehtlaiin ram a umning a fek kho lai lo a ti. A chimning ahcun, ralkap (tatmadaw) le rammi karlakah pehtlaihnak a umning zong tuchunni ahcun a ttha tuk, soisel-awk a um lo a ti. cucaah, 2008 phunghrampi hi remh a herh lo tiah a chim.

Be the first to comment on "A poi tuk cang ko ee!! Ttih an nung ning a lang thluamah cang. Min Aung Hlain nih phunghrampi rem i tim hla u, nan rem kho hlei lai lo a ti cang"

Leave a comment

Your email address will not be published.


*


error: Content is protected !!