A poi tuk ee!! Hakha le Kalay karlak ah Mawtaw a tlanak le a thi mi kong tling tein

Tuzing January 9, 2020 suimilam 2:00 am hrawng ah khan Ramtlo le Dokthek kar ah Zuphur motor cu lamtlang ah a tla tiin The Hakha Post nih a tang lei bantuk hin a tial. Hakha le Kalay lam, Ramthlo le Dokthek karlak ah kehra ngei motor cu January 9 zinglei suimilaam 2:00 hrawng ah lamthlang ah a tla i a khaaltu (mawngtu) a thi tiah thawng kan theih.

“Aa let mi motor hi, Kungka No. SGG 2C-4435 kehra ngei Zu a phur mi a si. Motor a tlak hi 2020 January 9, zinglei suimilam 2:00 am hrawng ah a si. Kalay in Hakha lei a rak kai i Ramthlo khua in Dokthek lei furlong 6 hrawng ah a thlaknak hi a si,” tiah Ramthlo Khuabawi Pu Thang Luai nih The Hakha Post ah a chim. Hi motor tlaknak kong he pehtlai in Pu Khup Suan Pau nih, “A thi mi cu Khai Tuan Thang (kum 25) a si.

A ruak zong an tlunpi cang. Cun, a zuultu Pum Sian Mung (kum 22) tu cu a ke kiak, a hmai aa khawn i Hakha Sii-inn ah an zohkhenh lio a si. Zeihmanh thinphan awk a um lo, a dam ko lai. Motor aa cit mi hi, driver le a zuultu lawng an si i, Tedim khuami Kalay khuasa an si. An tlaknak hi lam in pee 300 tluk a cheng. A tlaknak a ruang cu lamkuaih zawn a si ca ah fiang tein kan thei kho lo,” tiah The Hakha Post ah a chim. Motor a tla mi hi voi dang zong ah Zu a phur tawn mi a si. Hakha khuachung Zudawr zuar ding ca ah a si, tiah kan theih. Credit: The Hakha Post

Be the first to comment on "A poi tuk ee!! Hakha le Kalay karlak ah Mawtaw a tlanak le a thi mi kong tling tein"

Leave a comment

Your email address will not be published.


*


error: Content is protected !!