A poi tuk hringhran, Chirstmas puai tuah a ngah ti lo, a tuah mi poah kum 5 thawnginn thlak an si cang lai

Somalia Cozah le Brunei Cozah nih an ram chung ah Jesuh chuah lawmnak puai a simi Christmass hmang lo ding in thawngthanhnak an tuah. Christmass cu Khrihfa mi kan caah a sunglawi taktak mi, vawlei ah khamhtu Jesuh a chuah lawmhnak puai sunglawi a si. Khrihfa lawng hmanh si loin Biaknak dang hmanh nih sunglawi ngai in an lawmh cio mi Jesuh chuah thla a si nain Muslim Biaknak milu an tamnak Cozah pahnih, Somalia le Brunei nih cun Christamass tuah lo ding in thawngthanhnak an tuah cang hi asi.

Somalia Cozah nih December thla thok bak ah khan tu bantuk in thawngthanhnak a tuah hi a si i cu tlawmpal ah Brunei Cozah nih a tuah colh ve. Kan ram chung ah Khrihfa Biaknak he aa pehtlai mi Christmass le kumthar caan hmannak, cawlcanghnak hrimhrim a ho hmanh nih nan tuah lai lo, mizei hmanh Christmas le Kumthar lawmhnak puai a tuah mi cu kum 5 thongthlak nan si lai tiah thihphaihnak an tuah chih hi asi.

Somalia Cozah Biaknak lei vuanci zung (Religious affairs ministry) ah director a simi Sheikh Mohamed Khayraw nih “Christmas le New Year caan hmanhnak le lawmhnak puai nih Muslim Biaknak cung ah hnahnawhnak a chuah pi. Cu caah kan ram chung ah Christmas le kumthar he aa pehtlai mi zeibantuk caan hmannak le cawlcanghnak hmanh a um awk a si lo. Kan ram mipi nih Cozah thawngthanhnak an zulh lo ahcun an cung ah fak pi in dantatnak kan tuah lai” tiah Media pawl sin ah achim.

Brunie le Somalia ram ah Christmas le Kumthar lawmhnak Program kip an phih lawng si loin, an ram chung ah Christmas he aa pehtlai mi thilzuar, hmanthlak tar ti bantuk tiang in phih dih a si. Ram kip, dawrkip ah an tuah tawn mi Santa zuk, Santa laksawng peknak timi tiang in an kham dih hna ti asi. Khrihfami caah a sunglawi taktak mi program tu bantuk in an kham hi cu vawlei mipi tampi nih an soisel ngai ngai hna. Ref: Aljazeera

Be the first to comment on "A poi tuk hringhran, Chirstmas puai tuah a ngah ti lo, a tuah mi poah kum 5 thawnginn thlak an si cang lai"

Leave a comment

Your email address will not be published.


*


error: Content is protected !!