A Sianginn I Cawng Sayamah Cu Vawu 2 Bak A Sualpi Ruangah Myanmar Phungki Cu Tleih A Tong


Myanmar ram Nay Pyi Daw khuapi Bobba Thiri myo Kyi Taung Kan vengi Aye Metta San Charitable Taung Ni Lay phungki Siang inn i phungki lubik U San Dimar cu a sianginn chung i japan holh a cawnpiak tu sayamah a sualpi ruangah phungki thuam phoih ter in tleih a si.

Japan holh cawnpiak tu sayamah cu phungki sianginn chung ah pasal fa le a um ve mi a si i phungki San Dimar nih cun vei 2 bak a rak sualpi cang.

Na chim ah cun nan chungkhar in kan thah hna lai a rak ti ruang ah, chim ngam loin a um i, sualpi than lengmang a timh ruang ah a phuan cang nak a si.

A va report nak palik zung nih cun buainak cu an rak cohlan piak i phungki lubik San Dimar cu phungki sianginn chung bak ah palik pawl nih a thil an phoih ter i December 31 ni ah khan an tleih.

Phungki San Dimar nih cun September 23 ni ah vawikhat ,October 9 ni ah vawikhat tiiin Japan holh cawnpiak tu sayamah cu vawi 2 a rak sualpi.

December thla chung ah sualpi than a timh mi cu sayamah nu cu ai sum kho ve ti loh i ningzah zong ruat ti loin, psalik zungah a va hek dot lat nak an neih hnu ah zanleive. Chun nazi 2 i buainak a va chuahpi mi cu palik lei nih cun, zanlei nazi 4 ah phungki San Dimar cu an tleih.

Sayamah nu cu ni kum January thla in phungki siang inn ah a um cang mi a si i, phungki San Dimar nih rian kan pek lai nan chungkhar in rak um uh tiah a sawm mi a si.

Phungki San Dimar nih cun 2019 ,March thla ah ting thawng 15 aungbali a rak ngah i mah cucun a rian a karh deuhdeuh. A sianginn chung ah hin hngakchia in tang 10 tiang a kai mi 420 an um.

Sihni Ko Chit nih cun “Sayamah nu cu a riantuan nak phungki sianginn i phungki pa nih a sualpi mi a si. Vawi 2 a sualpi hlan ah vawikhat a rak talchuak kho cang. Ahnu i vawih ih kha cu a talchuak kho ti loh.

Na chim ah cun nan chungkhar in kan thah hna lai a rak ti hna caah a rak phuang ngam lo mi a si. buainak cu pompiak cang a si pin ah phungki cu an tleih cang i,phunglam ning in kalpi thluahmah ding a si.” tiah a ti. ( News Journal )

Credit : Vapual Auaw

Be the first to comment on "A Sianginn I Cawng Sayamah Cu Vawu 2 Bak A Sualpi Ruangah Myanmar Phungki Cu Tleih A Tong"

Leave a comment

Your email address will not be published.


*