AA ralkap nih ngandamnak lei ah rian ttuantu WHO mottow an ka ruangah Kawl ralkap nih ralrinnak an pek mi cu ttih nung bak ko cang

Mah bantuk a si ah cun Chinram chungah um Paletwa mipi ca zawngah zeitluk in dah ttih nung chin lai i an buai chin lai ruat ngam si lo?. AA ralkap an sual ning le mi cuangah zaangfahnak an ngei lo ning hi cu minung lungput zong an si ti lo. AA ralkap nih ngandamnak lei ah rian ttuantu WHO mottow an ka ruangah Kawl ralkap nih ralrinnak an pek mi cu ttih nung bak ko cang. Mah bantuk in an tuah tak tak ah cun Chinram chungah um mi Paletwa mipi caah ttih nung ngai mi si lai

April ni 20 ah Rakhine ram chungah coronavirus a ngei lai tiah zummi an um caah, mah kongah test tuah ding in le sii a her pi poah pek ding in in WHO mawta cu Rakhine ah a kal, natein AA ralkap pawl nih mah mawtaw cu meithal in fakpi in an kah caah mawtaw cu thlang lei ah atla i, mawtaw mawngtu zong an fak ngai tiah theih a si.

Mah bantuk in mipi caah rian ttuantu WHO hna fakpi in kah an si caah kawlram cozah zong a sum kho ve ti lo i, AA ralkap pawl cu fakpi in dantat/hrem ding in ralrin nak a pek hna. Ministry of Information Burma nih a chim ning ah cun mah bantuk in mi caah rian a ttuan lio mi zaangfah nak ngei loin fakpi in meithal in kah cu misual thil tuah ning he a khat. Cucaah mah kawngah hin Cozah nih fakpi in dantatnak a tuah lai tiah a chim chap

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo. English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "AA ralkap nih ngandamnak lei ah rian ttuantu WHO mottow an ka ruangah Kawl ralkap nih ralrinnak an pek mi cu ttih nung bak ko cang"

Leave a comment

Your email address will not be published.


*


error: Content is protected !!