Acting Defense Secretary nih Joe Biden mualpho ngai in Riit ttih thlai in a thlai

Joe Biden mual a pho cikcek cang, A lih chim mi cu Acting Defense Secretary nih a zozarang in a hlih dih, cei tak tak in a phomh. Joe Biden nih Donald Trump cozah tangah Defense Department,

Office of management and budget hna cu ram kilvennak kongah Donald Trump duh ning bantuk lawngte in an tuah caah Joe Biden Team nih buainak tampi kan tawng tiin a chim

US foreign policy kongah, Donald Trump nih amah pumpak ruahnak longin rian a ttuan mi cu tha a ti lo ti Joe Biden nih a chim. Joe Biden nih a chim ning ah cun,

President a si sual te tikah, Donald Trump rian ttuan mi vialte cu hlawt piak dih i, hnawn piak dih a timh ti a chim. Donald Trump kut tangah ram zohkhenhtu pawl nih an rian ttuan ning cu US ram caah a ttha lo, ttih nung ngai a si tiin a chim.

Acting Defense Secretary Christopher Miller nih Joe Biden puhnak cu a leh i, Department of Defense nih , zarh 3 chung official in 400 leng interview voi 164 kan tuah pi cang hna i,

Document catlap 5000 nak in tam deuh Joe Biden le a team pawl sin ah theihterhnak kan tuah cang tiin Acting Defense Secretary Christopher Miller nih a chim chap rih

Hi vialte thil kan tuah mi hi Joe Biden Team pawl nih an hal mi leng thil a si cang tiin Joe Biden lih chim mi kongah lehnak a tuah

Joe Biden Team hna hi rian kan tuan ti peng, an theih duh mi poah kan thehiter peng ko hna tiin Acting Defense Secretary Christopher Miller nih a chim

Joe Biden nih Defense Department sual a phawtnak hi Nikhat Ni ah Wilmington, Delaware ah virtual meeting an neih lio ah a chim mi a si. Source-RTK

Be the first to comment on "Acting Defense Secretary nih Joe Biden mualpho ngai in Riit ttih thlai in a thlai"

Leave a comment

Your email address will not be published.


*