Airport Ah Thil An Tlaihmi ,Vawleicung Mipi A Lauter Dihtu Khuaruah har (Ral nuam bak A Si )

Vanlawng cung ah hin hriamnam meithal le nam a zumhar mi pawl le phung nih aonh lomi sumdawn nak thil te hna hi kham dih a si i , Vanlawng ttumnak zong ah cu pawl vialte cu ken khawh a silo tiah ca an tar chih lengmang mi zong hmuh awk a um fawn , culak ah cun thal zong aa tel ve fawn .Vanlawng cung ah hin mithi ruak hi phurh siano a silem lo nain kuang chung ah tha tein i rawk lo dingin timhtuah dih ta a hau i a phurhman zong a tam ngai ngai .

Mithi ruak : Cuti buaipi cu an huam lo ca ah a si men lai , Liverpool England in Germany lei ah a zuangmi vanlawng cung ah cun nufa hna nih an pa kum 91 a thimi ruak cu ruak kuang chung ah tha tein tuah lo in wholechair ah an thutter i a nung rihmi bantuk tein vanlawng cung ah cun an sin ah an luhpi ve . An pa hi pilot a rak tuanbal mi a si i Liverpool ah athimi a si .

 

Cu hna nufa cu vanlawng tumnak an phak ah security pawl nih an hmuh hna tik ah thutden in an nam mi an pa cu a thimi a siko tiah an theihkhawh i an nufa cun an tlaih hna .An nufa in an chim ning ah cun Airport lei kan panh ah hin Taxi chung ah kan pa hi a zaw i a zual ngai . A hnu ah ai hngilh ah kan ruah i a rak thih caah a si kho tiah an chim ve. Asinain an pa cu an check tik ah a thihnak nazi 12 chung a rak rau cang timi an theih tik ah an nufa cun hremnak an pek hna .

Nausem : Nausen zong hi vanlawng cung ah cuan khawh an si ve ko nain ramdang lei an zuan ding ah cu visa an ngeih aherh ve thiamthiam . Kum 2012 kum July thla ah khan Egyp hna nupa nih an fate cu an bag chung an bag chung ah an khumh i vanlawng an i cit pi ve . Hi hna nupa hi Egyp ah fa ngei dingin an va kal i fa an ngeih hnu ah UEA lei ah kir an i tim . Airport an phak cun an fate cu visa angeih velo caah nawlngeitu hna nih vanlawng aa cit kho lai lo tiah an rak kham hna . A hnu ah ruahnak pakhat an chuah i a thli tein an bag chung ah an khumh i an fate cu airport chung ah an i lutpi . Asinain security pawl nih an theih thiamthiam i an tlaih than thiamthiam hna .

Minung luruh : Martin timi pa cu International Airport pakhat ah a bag an check i a bag chung ah cun minung luruh an hmuh i an tlaih colh .Hi a phurhmi luruh hi a thar ngai rih i a sam zong tlawmpal cu a rak um rih i a vun te hna zong a um pah . Hi luruh hi puitham timi pakhat nih thlarau riantuan nak caah a rak pek mi a si i vanlawng cung ah phurh khawh a si lo caah an tlaih . Martin cu luruh aphurh ruang ah kum 15 chung thongtla ding a si nain court nih bia a ceih i a sualnak a pom caah kum 1 lawng hremnak an pek .

Curcuk : 2017 November thla ah khan China khuapi pakaht ah khualtlawng nupa hna cu a thil an check i a bag chung ah curcuk an hmuh . Curcuk cu an rel i 250 hrawng a rak si .Hi culcuk hi a nupa vun caah an rak i phurh mi a si an ti i curcuk hi sii dang he cawh ah cun vun caah atha ngaimi a rak si ,An nupa cu an tlai lem hna lo nain an phurhmi curcuk cu an lak piak hna .

Kutdan pahnih : Airport pakhat ah khualtlawng pakhat nih kut pahnih a bag chung ah ai ken ve i security pawl nih Xray an tuah tik ah na bag chung ah hin zeidah a um tiah an hal i Jack nih cun kut pahnih a um tiah a chim men ko .Zei caah hi kut hi na phurh nangmah hi mithat lainawng na si maw tiah an hal tik ah , a chim mi cu ” ka unau pa hi electric nih a tlaih i a kut pahnih in an tan i a thihtik ah a kut pahnih hi a ruak kuang ah senh chih a duh caah ka phurh mi a si tiah fiang tein a chim khawh caah an phruh ter i a mah zong an tlai lem lo .

Laileng va pahnih : 2009 kum zong ah khan Austalia mi pakhat cu Dubai aha tlawng i an ram ah a kir hnu Melborne Airport ah a thil an rak check i laileng va pahnih an rak tlaih .A ke a ngal pahnih ah cun laileng va pahnih cu a bawm in a rak i chiah i a nun bu bak in nazi 10 chung vanlawng cung ah a rak i phurh hna . Nawlngeitu hna nih an tlaih i phaisa tamngai an cawiter ve . Source : Dailymial

 

Be the first to comment on "Airport Ah Thil An Tlaihmi ,Vawleicung Mipi A Lauter Dihtu Khuaruah har (Ral nuam bak A Si )"

Leave a comment

Your email address will not be published.


*