Aize..US ram um laimi kan i ralring a herh taktak hih.

US ram ah ui fim German Shepherd tiah an ti tawn mi ui Pakhat cu may thla ahkhan Covid-19 hri a kai ti an theih i , chu hnu ah sizung lei ah chiah , a zual chin lengmang caah July 11 ahkhan a thi cang tiah thawng an than, hi bantuk ui hi US ram ahcun a man a fak , an fim , US police le ralkap hna zong nih a hman ngai mi a si , a ruang cu a master nih a chim bangin a cawlcang kho mi ui fim a si.

Hi ui ngeitu pa hi Roberth Mahoney a si i Staten Island New York ah khua a sa mi asi, a mah nih a chim ning ahcun ka ui hi April thla inkhan a thawhchuah a hman ti lo caah ka vazohter i coronavirus hri a rak kai hi a si i nikhat hnu nikhat a zual chin lengmang caah a taksa nih a celh tilo hnu ah hi bantuk in a nunnak a liam hi a si tiah a chim.

Naite ahkhan Hongkong ah Ui nih coronavirus a kai tiah a hmu hmasat,i sizung ah an chiahcawlh ve sizung a dam cang tiah an chuah hnu ah in lei an rak kirpi i cu hnu tlawmpal ah an inn ah a thi ve tiah an chim, cun Ui ngeitu pa zong an ram cozah nih quarantine an tuah tiah theih a si.ui ca zong ahhin Covid-19 hi tih a rak nung tuk tiah a faing , Ui ngeitu hna chungkhar zong kan i ralring ngai a her. USA TODAY.

 

 

Atang lei US thawngpang hi rel chapte:

US ram ah rian ngei lo an karh , A cozah sinah bawmnak an hal than hna.

USA TODAY news nih a langter ning ahcun Americaram ah rian tuan lo in a um mi an karh zarh 19 cung ah 54 million hna rian loin an um , a ram cozah nih Phaisa a bawmh tawn mi hna kha dongter a timh hnu ah Mi tampi nih riantuan kan duh rihlo , kan nunnak hi a biapi bik mi a si, rian zong kan tuan kho rih lailo tiah duhlonak a langter mi an tam.

Hlathlaitu hna nih a chim ning ahcun a tu US ram ah rian a tuan lo mi le, rian a ngei lo mi hna 1.4 million nih Unemployment benefits  bawmnak an hal than, micheukhat Company nih an canpany i rian a rak tuantawn mi hna kha an chuah hna sinior deuh lawng an tangter hna, kan tuan than lai an ti zong ah an duh ti hna lo tiah USA today news nih a langter. cu caah micheukhat cun , A cozah nih bawmnak a ka pek a ho hrim2, ei le din lo in kan thi lai tiah vansang a au mi tampi an um. rian a tuan mi zong tampi an um ve ko. cu caah a bawmh hna ahcun rian a ttuan mi lawng bawmh ding cu a si kho hnga maw tiah a cozah lei nih khua an khang lio a si.

US Covt nih hin Covid-19 ruang ah a ram mi cu a rak bawmh hna , cu hnu ah thlali/ nga chung rian tuanlo in a um mi an tam tik ah a tu ahhin  unemployment rianttuan awk a hmu lo mi hna le a tuan lo mi hna nih bawmnak hmuh than ding in US a cozah sih ah an nawl than hna, hi Unemployment hna hi a dihlak in 1.4 million reng lo an si.

Republicans a cozah nih $1reillion Package cu ram mipi sin ah bawmnak a rak tuah cun $600 cio kha family benefit ah a rak bawmh hna nain nai ahkhan ngawl a timh hna, cun House Democrats nih May ahkhan $3 trillion bill a hman ve , atu ah a khauhnihnak zong ah tuah rih kho mi a si, nain zeitin dah kan bawmh ning hna a si lai ticu an fehter rih lo tiah USA TODAY News nih a langter.

 

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Aize..US ram um laimi kan i ralring a herh taktak hih."

Leave a comment

Your email address will not be published.


*


error: Content is protected !!