Amak tuk hrinhrang ee!! Mi tampi caah Coronavirus hi thinak a si lio ah amah caah cun Pathian nih a dawt ning theinak a si ko

Amak tuk hrinhrang ee!! Pathian khuakhang ning hi thei thiam a har ngai tawn, natein ami le caah cun kan ruatnak leng lei thil a tuah khotu le a tlungter khotu a si ning fiangte in a lang. Mi tampi caah Coronavirus hi thinak a si lio ah amah caah cun Pathian nih a dawt ning a hmuhnak a si ko. Nun hi zeitluk in dah a sunglawi ti mah putar pa nih a fian nak ruang bik cu Coronavirus a ngei  hnuah a si. Mah Italy Putar pa hi Coronavirus zawtnak a ngei ve i, a tuarngai caah siizung ICU room ah chia a si. Cun sibawi pawl nih ventilator  hmang in fakpi in an zohkhen. Mah Italy pa hi kum 93 a si.

A damlo ve tuk ruangah ICU ah ventilator hmangin nikhat zohkhen a si ve. Mah putar pa hi a celh ti lo i fakpi in mithli he a trap thluamah. Sibawi nih kapu Ventilator man hi kan nih hal hna lai lo, na lungrethei hla seh. ziah mah bantuk cu na trap thluamah ko tiin bia a hal.

Putar nih cun nihkhat Ventilator man kha $ 500- a si, ka pek khawh ko lai, Natein ka chuakka in a tu tiang thli ka dawp mi vialte hi a sunglawi ning ka theih i, atu lawng hi ka fiang, Coronavirus ka ngei hnu lawng ah mah bantuk thil hi ka ruat kho mi a si. Mah bantuk in ni fatin thli dawp ding mi a kan pektu Pathian sin ah ka lawm tuk i ka ttrap tiin sibawi sin ah a chim. Italy News

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

 

Be the first to comment on "Amak tuk hrinhrang ee!! Mi tampi caah Coronavirus hi thinak a si lio ah amah caah cun Pathian nih a dawt ning theinak a si ko"

Leave a comment

Your email address will not be published.


*


error: Content is protected !!