Amen; Thawngtha bik si cang. Pathian nih USA cu thluachuah chin ko seh

Coronavirus Damnak Si Serchuah Dawh Si, Director of National Institute of Allergy and Infectious Diseases le White House coronavirus task force, chungtel pakhat a simi Dr.Fauci nih Gilead Scientist hna nih an sermi remdesivir si a hmangmi hna cu 30% an dam a rang deuh tiah tuchun ah white house ah a chim.

National Institutes of Health hospital ah coronavirus in a zawmi minung 397 cu phu hnih ah an then hna i, an test hna i, phu khat cu ni 5 chungah an dam i, adang phu khat cu 10 chungah an dam.

Gilead nih testnak an tuahmi hna chung in 50% cu zarh hnih chungah an dam dih tiah an chim. A zawmi chung in 65.5 cu ni 5 chungah an dam i, 53.8 cu zarh hnih chungah an dam ti a si. Gilead nih an testmi result an chuah le cang ka in Stock market cu 400 points a kai manh. FDA nih hman ding le hman lo ding biachahnak an tuah hmasa lai. Emergency caah cun hman colh dawh a si.

Tuchun White House i meting an tuahnak ah, Fauci nih “This is very optimistic.” a ti . President Trump zong nih “Certainly it’s a positive, it’s a very positive event.” tiah a ti ve. FDA nih approve an tuah le cangka mizaw thopnak ah hman colh a si lai.- Salai lairamthang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "Amen; Thawngtha bik si cang. Pathian nih USA cu thluachuah chin ko seh"

Leave a comment

Your email address will not be published.


*


error: Content is protected !!