An pahnih in heh tiah an nih phomh tak tak ve ko ang

Nancy Pelosi nih US ralkap bawi Mark Milley cu phone in a chonh i, President Donald Trump cu nuclear code hmang kho lo ding in rak tuah u tiah a chonh hna. (A hman tein chim a cun Nancy pelosi nih Nuclear code kongah zeihman chim le rel khawhnak a ngei lo)

Mah bantuk in heh tiah a cawlh cang i, Trump impeach a buai pi caah mi tampi nih Nancy Pelosi thil tuah ning tu hi an zum ti lo. Aruang cu um hrim lai tiah an zum cang

Mah kongah US secretary of Sate Mike Pompey nih Nancy Pelosi cu a hrut cang hi, thil tuah ding mi le zeibantuk hi ka rian a si tiin a thei lo tiin ceilak in a phomh.

Relchap.. Tu lio US thawngpang cu a linsa bak ko, mah bantuk in US hi a buai bal lo tiah mi tampi nih an rak chim. Civil War lio ah buainak an tawn bantuk thil kha an tawn than lai tiah an zum cang

Italy Gate ti thawngpang a chuak than, mah Italy Gate ti thawngpang hi Kum 2016 President thim lio ah Russiagate ti bantuk kha (Russia nih Trump a bawmh i, Trump cu President caah a tling tiah an rak ti ti bantuk kha)

Mah Italygate ah hin Italy Ram, Rome in US president thimnak kongah an nih thlak ve ti a si. Trump vote cu Biden lei ah an thial ti a si. Mah bantuk in a tuah tu pakhat cu tlaih a si cang ti a si. Cun Intelligence Agency nih an fehter cang ti a si

Natein US lei nih zeihman thawngpang fiang an chim rih lo. Source nih a chim ning a cun, mah hi thatein an zoh lai i a hman ti an thei hnuah thawngpang fiang an thangh te lai tiah zum a si

Cun Nancy Pelosi laptop kha January Ni 6 ah fir piak a si. Mah laptop ah khan ramdang mi hna cu kum 2020 election ah i thlak ding in a sawm hna tiah thei a si.

Mah hi kum 2018 thawk in a rak ti cang ti a si. Mah hi FBI lei nih zeihman thawngpang fiang an chim rih lo

Cun Nancy Pelosi nih ralkap buai Mark Milley sin ah a chim mi “Nuclear Code kha Trump nih ramdang tuknak caah a hmang sual lai caah rak hmangter hla u tiah a chim. Mah bantuk a chim hnuah press Conference ah bia chimnak a ngei

Natein source nih a chim ning a cun, ralkal bawi nih Nancy Pelosi a chim mi hi a ngaipiak duh lo ti a si. A chim ning a cun, Trump hi White House ah a um chung poah cu US President a si caah nawlngeinak vialte cu a mak kuk ah a um dih tiin a leh tiah a chim. Source-Rainbow

Be the first to comment on "An pahnih in heh tiah an nih phomh tak tak ve ko ang"

Leave a comment

Your email address will not be published.


*