An Sual Chin Ko Cang!US President Hlun Woodrow Wilson Mi A Telnak Poahpoah Kan Hnawh Dih Lai An Ti

Princeton University Nih Woodrow Wilson An Chuah:Princeton University nih US President hlun Woodrow Wilson min a telnak poah cu Princeton university compus chung in kan hnawh dih lai tiah Princeton’s president, Christopher Eisgruber nih zarhte ni ah khan a chim. President Woodrow Wilson cu school’s board of trustees chungtel sinak in chuah dingah cacawn ninga ni ah khan vote ah thlak.

Minak ttanhtu, Black Livers Matter pawl le democrats pawl nih biatak tein lobby an tuah caah atu bantuk in an chuahnak a si an ti. President Woodrow Wilson cu 1913 in 1921 tiang US president a rak tuanmi a si. Amah chan ah sal zuatnak a rak um caah atu bantuk in an huatnak cu a si. Minak ttanhtu BLM pawl nih US founding fathers paohpoah cu an huat dih hna i, an lungphun, an milem le an nehnang poahpoah cu democrats pawl an thawhnak state poah ahcun an hrawh thluahmah hna.

President hlun, Gorge Washington, Andrew Jacson, Thomas Jefferson, Abraham Lincoln, Woodrew Wilson le Teddy Roosevelt lungphun hna cu ceilak an hrawh manh cang. Presdient Donald Trump nih kan hnu zarhte ni ah khan executive order a chuah i, federal nih a ngeimi lungphun le milem ahrawkmi poah cu kum 10 thong thlak dingah nawl a chuah cang.

Thawngpang dang <<Kum 2020, kum hramthawk ah President Trump nih Middle East Peace Plan a tuah mi kha, Israel mipi caah thawngtha, natein Palestinian mipi caah mitthli tlaknak a si. July 1 thawk in West bank & Jordan valley annexation hi Benjamin Netanyahu cozah nih kalpi a tim cang. Palestinian nih fakpi in an duh loning an langter thluamah cang. Mah ruangah UN security Council meeting cu a rang khawh in tuah a si. UN secretary-general nih cun annexation hi kalpi a si ah cun two state solutions caah le Israel Palestinian remnak caah fakpi in buainak a chuah lai tiah a chim. Guterres’s nih Israel sin ah mah bantuk in annexation plan nan tuah mi hi ngawl hram ko u tiin zaangfah a nawl hna

Arab League chief Ahmed Aboul Gheit ” Kum 30 chung, daihnak a um khawhnak caah buainak fakpi a um. Independent Palestinian state a um khawhnak ding caah fakpi in lam kawl a si. Palestinian mood & scene vialte hrawh hi keini nih cung kan duh bak lo mi thil a si tiin a chim” .

¬†Palestinian leaders pawl nih future state caah lam tampi an kawl.¬† Prime Minister Benjamin Netanyahu’s right-wing government nih July ni 1 thawk in West bank le JORDAN valley ah nawlngeinak an nih tim ning fiangtein an langter cang fawn. Israel nih 1967 war lio ah an rak lak cang mi, Bible ningtein zoh ah cun Isreal ram a rak si cang mi, mah bantuk in Isreal ram chung bantuk ah ser tthan an nih timnak kongah hin European Union le Arab pawl a buaiter tak tak cang

US President Donald Trump cu November 3 ah US President caah a cu thang hoi lai. Israel mipi caah Donald Trump hi Modern Messiah bantuk a si fawn. November election ah mah Israel annexation nih hin President Trump tampi a hrawh kho fawn. President Trump nih voters lungthin tampi a tei a hau fawn. Tu dirhmun zoh ah cun Joe Biden nak in poll ah a niam deuh fawn. Mah bantuk lio ah boruak thalo Black Lives Matter nih America ram chungah buainak fakpi a chuapi lio a si fawn.President Trump nih Israel cu 100% bak in a dirpi fawn. Vote kawl a hau fawn. America ram chunga mirum, Isreal a si mi, Trump Trump campaign ah fund millions leng a hlut ding mi an tam fawn, an mah pawl lungtlinternak ding kawl a her fawn. Trump fanu pasal Gold an ti bak ve mi Middle East Peace Plan architecture hi Israel mi a si fawn. Middle East Idohnak a chuak khawh dirhmun ah a um lio a fi fawn. International pressure hi Israel/ Trump nih zeitin dah an kalpi lai, an kalpi sual cik cek ah cun idohnak a chuak ding mi dirhmun tian a si faw. Tu lio cu buainak lawngte si ko hi. Credit-The Guardians, Fox News

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "An Sual Chin Ko Cang!US President Hlun Woodrow Wilson Mi A Telnak Poahpoah Kan Hnawh Dih Lai An Ti"

Leave a comment

Your email address will not be published.


*


error: Content is protected !!