An thiamnak zoh in MMID season 4 winner caah Chin mi pathuam lakah a tlak bik tiah mipi nih an ti mi

MMID 4 winner caah cun Esther, Yaw Kee le Benjamin Sum hna hi an thiamnak nih a tlinh bak tiah mi tampi nih an ti. Myanmar Idol winner caah theih thiam har ngai mi le a poi ngai mi a um i, cu cu mipi vote hi a si. A ruang cu mipi kan lungput ah cun peng le tlang kha a ngan tuk i, feeling a tam tuk caah a thiam deuh mi vote pek lo in  peng le tlang a si mi vote ti kha mipi tam deuh lungput a si. Cucaah myanmar Idol winner caah mipi vote an ti mi cu a tha lo tuk a si tiah mi tampi nih an chimh. Myanmar Idol season 4 boruak a sang tuk cang, mah bantuk boruak hi Myanmar Idol season ah a um bal lo, a ruang cu Myanmar Idol season 4 ah hlasak mi pawl hna hi cu an thiam tuk cang i, top finalist pawl hna hi cu uar an um khung.

Esther hi kan zoh ah cun hlasak a thiam ngai, a hramthawk in atutiang a hlasak mi zoh ah cun winner caah zum ngai mi pakhat a si. Judges pawl comment zong ngai a nuam ngai tawn, natein ruah lo pi in bottom 3 ah voikhat a um cang. Bottom 3 ah a um mi pawl hna hi Judges pawl bia chimh ning ah cun vote a hmuh tlawm bik pathum hna an si. Esther voikhat bottom 3 ah a thut cang caah, a caah tih a nung ngai. Winner sinak ding caah mipi vote a hmuh kho lai lo ti phan a um ngai. Hlasak thiamnak lei ah Benjamin sum le Yaw Kee a tei zong ah mipi nih duh mi (popularity) leiah Benjamin sum hi a tei lai lo ti fiangtein  alang

Yaw Kee hi rock music ah cun amah bantuk in hlasak thiam hi an um lo, Yaw Kee cu rock ah cun a dirhmun a sang ngai, heavy rocker level a si cang. bottom 3 a voikhat a thut ve cang, a ruang cu vote a hmuh mi kha a tlawm tinak si ko. Rock music ah cun heavy rocker a si i a thiam ngai, natein hlasak vun sak lei ah khan Esther cu a tei khawh ding mi khi a si lo. Natein amah hi mindat lei mipi nih an vote dih lai ti kha fiangtein a lang caah Chin mi pathum ah cun winner lam a kau ngai ti khawh asi

Benjamin sum hi hlasak lei ah cun general line khi a si, Yaw Kee bantuk in hlasak lei ah thiam nak bik a ngeih lo, zei hla poah khi a sak khawh ve ko. Natein hlasak thiamnak lei ah vun zoh ah cun Esther cu a tei bak lo, Natein Benjamin sum caah Chin mi pathum chungin ruahchannak tampi a um mi cu amah Benjamin sum hi a performance le a hlasak style zoh ah cun nu pawl nih an uar ngai mi talent khi a ngeih. A ziaza zongah si seh nu pawl duh mi manner le style khi a rak ngeih chap. Cu long si loin Benjamin Sum fans pawl hna hi zoh ah cun Benjamin Sum caah cun huge pillar an si. Benjamin sum lam kaupi a serh piak tu hna an si. Benjamin sum hi all corner ah zoh ah cun hlasak  thiam fawn, mipi uarngai mi a si fawn ti a si caah Chin mi pathum lakah Benjamin Sum caah winner hi a fawi bik ti khawh a si

Be the first to comment on "An thiamnak zoh in MMID season 4 winner caah Chin mi pathuam lakah a tlak bik tiah mipi nih an ti mi"

Leave a comment

Your email address will not be published.


*


error: Content is protected !!