An Unau Pa 3 In Fimthiam Nak, Degree A La dih Mi An Si Ko Nain A Nu Tawn Mi Ruang Ah Hi Bantuk Dirhmun Bak Ah Hin An I Chuah Ko


Nubik Zuun ngai in kum 10 chung ai kharkhumh mi unau pathum an chanhchuah hna.

Gujarat, Rajkot khua ah Kum 10 chung, unchung i ai kharkhumh mi unau pathum cu NGO pawlkomh pakhat a si mi Saathi Seva Group nih an chanhchuah hna i tuah cun thatlei an panh deuh cang.

An mah cu kum 30-42 karlak mi an si i nubik nih a thihtak hna ruang ah tuar kho loin lungleng in kumkua chung bak ni hmuh lo nak in khan chung ah an i kharkhumh.

Ambrish le Bhavesh tiih koh mi pa pahnih le hngakchia bik nu Meghna Mehta cu an dawt tuk mi chungkhar nu bik nih Kum 2010 ah a thih tak hna i cu bak cun innka zong um lo nak khanchung ah an i kharkhumh.

Navin Mehta nitinten ei-in ding a pek tawn hna i a mah cu innchung a lut ngam loh. Hnam le mithleh thiamnak (black magic) nih a ka tongh suall lai ti a phang.

NGO hnaṭuan Jalpa Patel tei` pawlkom nih cun Navin Mehta nih December 27 ah theihternak ca a kuat i December 28 ah a fale pathum cu an va chanhchuah hna.

“Inn luhnak gate an hren i lenglei mi he pehtlaihawk an duh loh. Innka kan van boh cu kan khuaruah a har dih. Hnawmpawn lak ah an um. Pa pahnih cu taklawng in an rak um. Ek le zun nak i a um chih mi an si caah an rim cu celh awk a tha loh.

Hngakchia bik nu cu thilpuan ai hruk. A pa nih chiahta mi eidin a rak chum. A sam le khabel hmul cu minung zong a lo ti loh. Upabik Ambrish (kum 42) cu ṭhiṭha zong in a dir kho ti loh i rawl zong a bar kho ti loh.

A ruh lawng a tang. Hngakchia deuh Bhavesh (kum 34) cu hlan lio konglam zeihmanh a thei kho ti loh.” tiah NGO rianṭuan Jalpa Patel nih cun a chim.

Credit: Falam Online Media

Be the first to comment on "An Unau Pa 3 In Fimthiam Nak, Degree A La dih Mi An Si Ko Nain A Nu Tawn Mi Ruang Ah Hi Bantuk Dirhmun Bak Ah Hin An I Chuah Ko"

Leave a comment

Your email address will not be published.


*