Apoi tak tak, Coronavirus vennak kongah Myanmar rianttuan tu mi 300 Thailand ah an tlaih mi hna cu an thlau

Thailand ram ah COVID-19 khamnak caah khual tlungkal an khap, April 1 in tlunkal an phih dih. Asinain Thailand ah riantuan mi Myanmar miphung 300 leng an tlaih mi hna cu an tlau, an luat caah lungrethei asi ko.

Tlunkal phih lio i an zulh lo ahcun dantat dingin nawl an chuah. Nawl an chuah mi zul loin Myanmar ram ah kir arak i tim mi riantuan hna cu April 2 zinglei ah Thai nawl ngei hna nih an tlaih hna , Myawaddy hle no 2 lei ah akal lio mi Myanmar riantuan phortu motor 16 cu an tlaih. Tlaih mi hna nih Thailand nawlngei tu nih an chuah mi cu theih loin puais bia zumh in atlung mi an si tin Thai-Myanmar Tanzung riantuan U Wai Lin Maung nih achim.

“Thailand ram nih tlun kal lo ding in an thanh ko , Myanmar Taanzung lei zong in kan thanh ko. A voikhatnak asi caah kan thlah hna,asinain hnu ahcun kan thlah hna lai lo tin “a chim. “Motor he an tlaih mi hna Myanmar miphun riantuan 300 leng cu Kawlram lei ah an hoih cang, A cheu cu thei buin akal mi ,acheu cu thei loin akal mi an um .  An theih le theih lo zongah dantat dingin an si ko “tin nawl an pek hna.

Thai ram ah nikhat ah COVID -19 achawnh mi 100 leng an si hna, cucaah ramdang mi tlunkal anphih khar lio asi.  Thai ah zawtnak ruangah company le setzung an khar hna, kawl ti toih puai lai si caah Myanmar ah Myawaddy lei in antlun cio nak asi. A tlungkal mipawl ni 14 chung zohfel nak ding kongah Myanmar nih um thuttonak le cawlcanghnak aharh tuk lio asi caah tlun kal lo dingin nawlnak cozah nih atuah.

“An umnak ram i an chim ning le nawl kha an zulh awk asi ko , an zulh lo cun bat ting 1 ,thong kum 1 thlak ding in dantatnak an tuah. An rak kir tikah hinak in har deuh mi zong an tongkho ,an nawl kha upat ding asi ko “tin achim. Thailand ah COVID-19 ruang ah athi mi minung 15 an si cang tin theih asi. RFA Burmese

Be the first to comment on "Apoi tak tak, Coronavirus vennak kongah Myanmar rianttuan tu mi 300 Thailand ah an tlaih mi hna cu an thlau"

Leave a comment

Your email address will not be published.


*


error: Content is protected !!