Apoi tuk ee!! Buthidaung Khua ah NLD Chairman riantlai Ye Thein cu AA ralkap nih an thah cang. An thah ning zaangfah bak si

Gambia nih International Court of Justice-ah case an serpiakmi he pehtlaiin Daw Aung San Suu Kyi ttanhtu official pakhat cu Rakhine State-ah thah a si tiah NLD party biaphuangtu nih a chim. National League for Democracy(NLD) party  Buthidaung khuachung Chairman riantlai Ye Thein cu Arakan Army nih zarhkhat chung an hren cang. Arakan Army meithal keng pawl nih Rakhine State chungah a ummi Buddhists pawl nih an mahte in i uknak an duh ruangah raltuknak an kal peng ko rih tiah biaphuangtu nih an chim.

December 23-ah khan Buthidaung khua chung NLD party Chairman riantlai Ye Thein nih International Court of Justice-ah Daw Aung San Suu Kyi nih case a ngeihmi duh lonak a langhter ruangah zarhhnih chung an hren hnuah december 23-ah Myanmar cozah a dotu pawl he an i tuknak ah a thi. Arakan Army nih an langhterningah cun bomb a puah ruangah a puahnak hmunah hrenmi cheukhat cu an thi, ceukhat nih hliamhma an ing, Bathidaung khua NLD party Chairman riantlai zong bomb a puahnak hmunah a thi colh an ti.

“NLD  members vialte nih Ye Thein a thihmi hi pawi kan ti taktak, Daw Aung San Suu Kyi ttanh ruangah zapi hmunkhatah um cu sual a si lo,” tiah Myo Nyunt nih a chim. Arakan Army pawl nih Rakhine State chungah a ummi Myanmar ralkap he i tuknak an kalpi chuahmah hmun cheukhatah cun bomb tiang an puah, mi an tlaih an fir hna tiah Rakhine State Official pawl nih an chim.

Arakan Army nih tuknak an kalpi mi lehrulhnak caah Myanmar cozah nih ralkap tam taktak Rakhine State chungah Amnesty International nih a duh lo mi i hremnak, minung i fir le biacheihnak a dangte ngeih a timmi pawl khamnak caah rian an ttuan cuahmah lio a si.

Be the first to comment on "Apoi tuk ee!! Buthidaung Khua ah NLD Chairman riantlai Ye Thein cu AA ralkap nih an thah cang. An thah ning zaangfah bak si"

Leave a comment

Your email address will not be published.


*


error: Content is protected !!