Athar in zarh fatin $400 bawmh ding an timi kong he pehtlaih in thawngpang thar.

Treasury Steven Mnuchin nih tuzarh monday nih ahkhan a chim mi cu American ram i , Covid-19 ruang ah rian ngei lo mi thawng tampi cu, US cozah nih zarhkhat ah $400 lengmang bawmhnak pek a timh mi kha, mi tampi cu tuzarh chung ahhin an ting co kho rih lai lo tiah a chim.

Aruang cu US i state tampi nih phaisa hmandiang an ngei tilo i , bawmh kan herh tuk cang tiah a au mi an tam cang caah, cu hna cu tha tein a zoh hna lai i, bawmh an herh hmasa ko a ti mi hna tlamtling tein a bawmh hnu lawng ah zapi zarang cu tin cio a si te lai tiah a chim.

Trump hmanh nih hin zarh fatin in $400 bawmh ding in min thut cang ko hmanhsehlaw, uktu hna nih hi zatzat minung phaisa bawmh ning cu a caah a fawi velo an lungre a thei ngai tiah President Trump nih a chim. nain rian a ngei lomi caah $ 400 cio cu phawtzamh ding in timtuahnak cu an ngei ko, a tuah le tlai lawng a si.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.
English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

 

Be the first to comment on "Athar in zarh fatin $400 bawmh ding an timi kong he pehtlaih in thawngpang thar."

Leave a comment

Your email address will not be published.


*


error: Content is protected !!