Attorney General Ken Paxton nih Texas aiawh in State pali taza a cuai mi cu US supreme court nih a cohlang piak cang

Nikhat hnu nikhat in Donald Trump le Republicans hruaitu luu le baan pawl cu kaarkhat hnu kaarkhat in hmailei ah an fong chin leng mang cang dawnkhaantu an um ti lo.

 

Tian zan ah Texas Attorney General Ken Paxton nih 2020 election thil fel lo a um mi kongah state 4 hna Supreme Court ah taza a cuai mi  cu US supreme court nih a cohlang piak cang.

Mah kong hi Trump dirpi tu pawl nih an hngakhlang peng mi a si. Atu cu Trump Legal Team pawl nih heh tiah rian an tuan hnuah thawngpang tha tuk mi a vun chuak ve cang,antlam a tling cang tinak a si.

Swing State ah lawsuit an ap mi 46 cohlan piak an si lo hnuah thawngtha an theih ve cang lai. Trump Team pawl lawsuit hi hlawnh hnawl piak lengmang an si caah an caah rian ttuan zong a har ngai mi a si

The State of Texas bak nih Pennsylvania, Wisconsin kong cu Court ah a chuahpi cang. Texas nih mah state 4 Georgia, Michigan, Pennsylvania, le Wisconsin nih “electors clause of the constitution” an zulh duh lo, namnulh nak, bia, a si tiin taza a cuai hna.

Mah state nih hin voting rules, executive actions thatein an tuah, natein legislature pawl theih pinak tel lo in thil an tuah, mah hi US constitution nih a siang lo mi a si tiah taza a cuai nak ruang cu a si

Texas nih an chim than ning ah cun, State dang dang, Counties dang dang ah voting rules a khat lo, a dang dih, mah ruangah State 4 ah hin Constitution’s equal protection Clause an zul loh. Mah ruangah hin State 4 ah,

voting irregularities a umnak cu a si tiin Texas state bak nih taza a cuai nak cu a si. Texas state nih tazacuainak Supreme ah an phak pi cang caah Trump legal Team pawl caah thawngpang tha tuk mi a si cang lai.

An rian ttuan nak ah tampi bawm tu a si cang lai. Ruahchannak tampi an ngei than cang, a um. Supreme Court nih mah taza cuainak hi a cohlang cang.  Caan sau a rau ti lai lo, US president thimnak kongah thil sining, a hmaan mi cu theiha si cang lai. Source-RTK, theepochtimes, NTD

Note: Lih le hrokhrawl thawngpang tial kaa tim lo. Thawngpang ka rel mi le mi dang nih an ttial mi credit ka pek mi hna hi source a hmaan mi a si maw ti ka zoh hnuah mah hi cu a hmaan mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralring tein ka ttial zong ah Source ka lak mi ah a hmaan lo mi a um kho mi a si.

Source ka lak mi, a hmaan lo mi a um ti nan theih ah cun zeitik caan poah ah ka theihterh kho ulaw, cun keimah ca zong ah ralrinnak a ka petu a si hlei ah ka source kha thatein ka zoh nak ding a si lai caah le thawngpang a hmaan mi le dik mi lawng ka thlah peng khawhnak ding caah tiin zaangfah kan nawl hna. A rak ka bih zoh piaktu u le nau nan cung ah lomhnak tam pi he’n. . .

Be the first to comment on "Attorney General Ken Paxton nih Texas aiawh in State pali taza a cuai mi cu US supreme court nih a cohlang piak cang"

Leave a comment

Your email address will not be published.


*