Atu lio Hakha lei thawngpang a lar ngai mi le mipi nih an ceih ngai mi. Mah bantuk in Chin mi nih Samari mi tha kan ngeih mi hna hi Pathian thlachua a si

Hakha Mann Express (Khualtlawnnak le Kuatphurhnak) motor ngeitu Pu Tluang Uk le Pi Sui Tin Hluan nih a voi thumnak mizaw harsa minung 16 an bawmh than hna, tiah kan theih. Atu bawmhnak hi avoi 3nak bawmhnak an tuah a si i December thla ca ah minung 16 nih an hmuh than hi a si. Hi bawmhnak hi thlafatin hin sok khawh a si, tiah kan theih.

“Tutan hi a sok thing mi 7 kha Ks. 50,000 cio le a sok thar mi 9 kha Ks. 75,000 cio bawmhnak pek an si. Kan pule nih mizaw harsa an i thlopbulnak ah thahnem seh, ti saduhthahnak le zawnruahnak he an tuah mi a si. January thla ca zong bawmhnak sok khawh a si,” tiah Hakha Mann Express in tuanvo ngeitu Pi Lily nih The Hakha Post ah a chim.

“Kan i lawm tuk. An riantuannak ah Pathian nih hlawhtlinnak pe chin lengmang ko hna seh, ti hi thla kan campiak ve hna. Sifah santlailo nih kan i thlopbulnak ah tampi a kan thathnem i kan i lawm tuk,” tiah min langhter lo mi bawmhnak tingco mi pahnih nih The Hakha Post ah an chim. Hi bawmhnak hi 2019 October thla in thawk mi a si i voi thumnak bawmhnak an pek a si cang. Credit- Hakha Post

Be the first to comment on "Atu lio Hakha lei thawngpang a lar ngai mi le mipi nih an ceih ngai mi. Mah bantuk in Chin mi nih Samari mi tha kan ngeih mi hna hi Pathian thlachua a si"

Leave a comment

Your email address will not be published.


*


error: Content is protected !!