Atu lio US ram thil umtuning le Preisident Trump a bia cah.

Kan theih bang, Tu lio USA thil sining aa cawlcang ning cu a hot ngai i, nikhat hnu nikhat election aa nai chin leng mang caah buainak zong a tam ngai, khat lei in Covid-19 zawtnak nih mi a buaiter hna lawng si loin, Tukum cu Minak a thi mi an tam caah “Black Lives Matter” Pawl nih duhlonak langter in hmunkip kakip ah hna hnawhnak an tuah, caah a ra lai mi US election cu Kum dang bantuk in a si lo a buai taktak.

US ram Hruaitu thar i thimnak ni cu 43 lawng a tang cang aa naih ching lengmang cang, Tukum US president aa cuh ding mi Joe Biden Le Donald Trump zong alamkip in zeitin dah US mipi nih an ka duh lai tiah thiltha tuah in an i zuam cuahmah lio a si, an campaign tuah ning zong an i khat lo, Joe Biden lei a ttan mi Media cheukhat nih Kum tampi  Joe Biden Politics lei an riantuannak ah a thiltuah mi hi an chim tuk lo i,  an chim deuh mi cu A liam cia mi ah Donald Trump nih  thilthalo a rak tuahnak, Nu he aa komh ning hna alamkip in Trump cu An thang chiat.

A Bik in Protest le  riots Pawl hi Hriamnam tha bik ah an hman hna i, Zeitin dah Trump President a tuan cung US ram hi buainak a tam khawh lai tiah Trump cu alamkip in thangchiat an timh, Nain Trump nih zeih ah a rel hna lo, a timh bang le a chim bang in rian a kalpi peng ko soiselnak cu zei hmanh ah a rel lo,Caah hlawhtlinnak le thangchonak tampi a hmuh caah mi tampi nih an duh hi a si, a rem lomi hna cu an sining fiang tein a phuang hna mi frank ngai a si.

 

Atu ni tiang ahcun National Poll ah Biden nih cu a tei peng rih ko caah, Trump caah hnagam tuk ding a si lo i, Trump nih US ram mipi sin ah bia a cah mi abiapi taktak mi Pakhat cu Joe Biden President a tling ahcun US ram sipuazi a tla lai, US cu ramdang Kuttang ah a um lai, Joe Biden nih Ram a buaitertu terrorist pawl cu an thin a hung ah, a hnemh hna kei tu nihcun US ram a buaitertu cu ka tlaih hna a si lo le ram a himnak ding caah ka khamh hna tiah Campaign a tuah lio ah aram mipi hna cu bia a cah hna.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

 

Be the first to comment on "Atu lio US ram thil umtuning le Preisident Trump a bia cah."

Leave a comment

Your email address will not be published.


*


error: Content is protected !!