Aung La Nsang nih Brandon Vera a tei ruangah thil tih nung tuk mi le duh lo tuk mi a tlungmi pawl hna le Minung Pali an thinak kong kha

On Championship puai 100 Japan Tokyo ah an tuah mi cu kawl ram minung 4 caah cun thinak a si ko. An ruat ning bantuk in thil a si lo caah mi tampi nih an mitthli a tla, a ruang cu mi tampi nih Philippine fighter Brandon Vera nih a tei lai ti kha an zumh ngai i, an record le taksa zoh ah cun Aung La NSang nih a tei lai ti kha an zumh lo ngai, natein Sport spirit a ngeih deuh mi Krifa zumhtu tha Aung La Nsang nih fawitein Techninal Knockout in a teih diam ko.

Hi One Championship puai 100 nak hi a zoh mi zong an tam i, a bik in Myanmar mipi cu a zoh tampi ram an si. Myanmar ram chung Irrawaddy ramtthen le Kachin ramchungah minung 4 cu hi puai one championship 100 event match Aung La Nsang le Brandon Vera puai ah Aung La Nsang nih a tei caah aa thi mi an si tiah thongthei a si

Okekan peng, Shan Suh khuate ummi U Hlan Win cu ‘Aung La, thong chih! thong chih’ a ti lio ah a tlu. Mibawitu bu nih sizung ah an kalpi nain a nunnak liam. Okekan, Ohphoe lam ah a ummi U Maung Tin Soe cu ‘Aung La nih a tei cang’ tiin a au lio ah a tlu i Okekan sizung ah an kal pi. Yangon sizung ah kal an fial hna nain sibawi te nih a nunnak a khamh kho lo i kir lei ah a nunnak liam.

Irrawaddy ramtthen, Dedaye peng ah a ummi kum 71 tarpa zong Aung La Nsang puai a zoh lio ah aa nuam tuk i a nunnak liam. Aung La nih Vera a tei ahkhan aa lawmh tuk ah a tho i ‘Myanmar hey! Myanmar kuah!’ tiin aa hlawhnak ah a tlu i a thi.

Kachin state, Danai peng ah a ummi pa pakhat zong Aung La nih Vera a tei ahkhan aa lawm tuk i a dir lio ah a tlu i a thi. Kum 64 simi U Aa Si Se cu a tluk inkhan khuami nih sibawi sin ah an kalpi i a thi an tah tikah a thi kai tuk i a ka in thi a chuah caah Danai sizung ah an kalpi. October 14 ah a nunnak liam.

 

Be the first to comment on "Aung La Nsang nih Brandon Vera a tei ruangah thil tih nung tuk mi le duh lo tuk mi a tlungmi pawl hna le Minung Pali an thinak kong kha"

Leave a comment

Your email address will not be published.


*


error: Content is protected !!