Aung San Suu Kyi a dirkam mi vialte kha, Gambia (ICJ) nih myanmar cozah, Rohingya a thattu pawl he nan nih khat a ti cang hi. Zeitluk in dah ningzak  si

A nikhatnak ah Gambia nih Myanmar cu fakpi in a phom cang. Cu lawng si lo in Myanmar cozah a dirpi mi vialte hna zong fakpi in a phawm hna. Member pariat umnak International Criminal Court (ICJ) le Attorney General le Minister of Justice of the Gambia cu International Criminal Court ah myanmar bia cei ding in an vun chuak i Myanmar cozah Tatmadaw cu human right phun le lam a zulh lo mi, zeihmanh ah a  rel lo mi a si, miphung tlawmte hrawh le thah a timh mi a si tiin fakpi in an phom

Culawng si loin Myanmar cozah nih mah bantuk in Rohingya pawl cungah thil a tuah mi kongah Myanmar cozah a dirpi mi vialte hna cu an nih khat  tiah an chimh chap i, Myanmar ram mi ah Rohingya hi rel an si lo caah Myanmar cozah nih Rohingya pawl thah dih a tim ti hi a fiang ngai tiin a chimh. UN human right Special Envoy Yan Haley nih a rak chimh cia mi kong, Tatmadaw nih Rohingya cungah an thil tuah mi vialte, an inn le lo hrawh piak an si ning , tlaihhrem an si nak , thah an si ning le hngakchia cungah phung lo ning in an thil tuah mi vialte kha ICJ member nih an chimh dih i, hi vialte hi a hmang mi lawng te a si caah, Tatmadaw nih mah bantuk in mi phung tlawm mi cungah thil a tuah mi vialte hi kan theih dih i, kan zoh sawh sawh lai lo an ti

Sinih lei nih a lar tuk mi le a thiam tuk mi Pau Carter nih a chimh ning ah cun Rohingya mi a thattu pawl hna hi cozah nih an cung ah hremnak zeihmanh a tuah lo. Catlap page 700  an langhter ning ah cun Arakan ah Rohingya a um mi pawl nih harnak fakpi an tawn lio a si, an caah tih nungtuk , ahlan nak in tih nung deuh mi  an tawn te lai tiah a chimh chap. Burma cozah nih mah bantuk in ralkap nih Rohingya pawl cungah thil an tuah mi hi a theihter duh lo i, zeihmanh hremnak zong a pe duh hna lo tiin an chimh.  Thaizing hi Myanmar ram aiaw in a kal mi Aung San Suu Kyi nih ICJ  hmai ah  a lang te lai i zeitindah myanmar cozah nih Rohingya pawl cungah thil a tuah mi hi a chimh te lai

 

Be the first to comment on "Aung San Suu Kyi a dirkam mi vialte kha, Gambia (ICJ) nih myanmar cozah, Rohingya a thattu pawl he nan nih khat a ti cang hi. Zeitluk in dah ningzak  si"

Leave a comment

Your email address will not be published.


*


error: Content is protected !!