Aung Sann Suu Kyi ICJ ah a kal lio ah a caah ttih nung khawh ning phuan a si cang; A ral a that ning cu

Mah bantuk in maw ttih a rak nung!!! A caah ttih nung tuk ko nain ram le miphun caah tiin nusal , ttihnak ngeih lo in a kal ko kha. U Kyaw Tint Swe, union minister, state counselor office ministry nih a chimh ning ah cun,  “ICJ- state counselor a kal ah khan a caah ttih arak nungtuk hringhran. Myanmar cu ICC ah case tuah piak a si. ICJ umnak le ICC umnak cu hmunkhat a si. Aung San Suu Kyi kha an duh ah cun direct bak in tlaih khawh asi, an tlaih ah cun thawnginn ah chia a si ko. Cucaah kan hoikom ram tha tampi nih Aung San Suu Kyi cu ICJ ah kal lo ding in an ti. Natein Aung San Suu Kyi nih ka kal lo ah cun mah le ram caah ka ttuanvo kha ka ttuan khawh lo tinak a si lai caah, ka kal hrim hrim lai tiin a  leh hna” tiin a chimh. ICJ ah kal ding in biakhiahnak a tuah lio ah khan, Russia Ambassador nih cun, “Hi bantuk biakhiahnak tuah cu zeitluk in dah mi raltha a si lai” tiin Aung Sang Suu Kyi cu a thangthat. ICJ nih bia an ceih mi cu January 23 ah phuan a si cang lai. Zeibantuk biakhiahnak dah an tuah lai ti cu atu vawlei ramkip nih  theih an duh bik mi pakhat a si

 

Be the first to comment on "Aung Sann Suu Kyi ICJ ah a kal lio ah a caah ttih nung khawh ning phuan a si cang; A ral a that ning cu"

Leave a comment

Your email address will not be published.


*


error: Content is protected !!