Aungban khua ah an kap thah mi hna an ruak cu an chung le sin pek lo in ralkap nih meiin an khangh piak hna tiah theih a si

Aungban khua ah an kap thah mi hna an ruak cu an chung le sin pek lo in ralkap nih meiin an khangh piak hna tiah theih a si

Shan ram chung um Aungban khua ah nizan march 19 ah khan remdai tein sandah a piah mi mipi pawl cu ralkap nih meithal he an daui hna caah minung pa9 an thi i minung pa20 leng nih hma fak taktak an hmu hna

A thi minung pa9 lak ah pa6 an ruak cu ralkap nih 2/700 ralkap siizung lei an kuat hna i an chung le pawl cu an rauk rak lak u tiah an ti hna i a va kal taktak tik ah cun pek lo in zingkaa tuan tein Kalaw thlan ah mei in an khangh dih hna tiah a hmutu nih an chim

A hmat (2) ralkap siizung ah an chung le pawl cu an ruak rak lak ulaw an ti hna i zanlei naazi pa6 hrawng ah an va kal cu thaizing lei rak lak te u an ti than hna .
Tuzing naazi pa5 hrawngah ralkap siizung motor in an rauk cu kalaw thlan lei an kal pi i meiin an khangh dih cang hna tiah a hmutu pawl nih an chim

Tulio an khua chung si ninghi ralkap an motor 30 leng an rak ra i an hmu mi hmunhma le an duh nak poah meithal an thlah caah khua chung minung a hau hman lengah kan chuak ngam lo caah an ruak he pehtlai in biahal nak ding zong ahar tuk .
bawmchan tu group zong nih a can hman tein bawm nak rian zong kan tuan kho lo tiah an chim ve

Nizan sandah piah nak ah Aungban khua ah minung pa9 an thi i minung 25 nih hma fak taktak an hmu hna
Hliamhma fak taktak a hmu mi pawl cu har lengmang in kalaw sizung lei kan kal pi khawh hna tiah Aungban khua tuanvo la tu pawl nih an chim

Be the first to comment on "Aungban khua ah an kap thah mi hna an ruak cu an chung le sin pek lo in ralkap nih meiin an khangh piak hna tiah theih a si"

Leave a comment

Your email address will not be published.


*