Australia ah um Chinmi Centrelink a ei mi pawl a let hnih in tangka pek nan si lai tiah cozah nih thawngthannak atuah

Australia cozah nih nawl a chuah mi le Centrelink a eimi pawl nan lakha a leh hnih in pek nan si lai.  Atu hi Coronavirus kong ah Australia cozah cu biatak tein tonbiruahnak an ngeih lio a si.  Atu tiangah Australia ah Coronavirus zawtnak rai thalo a ngeimi minung 1300 leng an si cang.  Nizaan Zarhteni ahkhan Victoria pengkulh ah zawtnak a ngeimi minung 67 bak an i chap, zawtnak a karh a rangbik bak a si. Victoria chungah zawtnak a ngeimi 296 an si cang.  Atu tiangah cun cozah lei nih inn chungah minung 100 cung tonpumhnak le cawlcanghnak a phih. Asinain, hi nakin tonpumhnak hi a phih colh kho men.  Ramleng khuatlawn a kham, cun ramchung khuatlung zong Australia rammi le PR pawl lawng tlun inn onh an si.

Supermarket, convienience store le petrol station tibantuk dawr pawl, sii dawr le bank, le rawl dawr pawl cu on an si ko lai.  AFL lentecelhnak cu May thla dih tiang ngol chung a si i Olympics puai kalnak zong kham chung a si.  Cawn Nihnihni in Sml 48 chung (ni 2 chung) cu Victoria chungah a herh hauha lomi cawlcanghnak vialte kham/phih dih a si i sianginn vialte zong tuan deuh ah Cawn Nihnihni in khar dih ding a si lai.  Centrelink a eimi (rian kawl liomi le sianginn kai liomi) pawl cu zarh hnih dan ah hmuh tawnmi kha let hnih in pek an si lai, eg. 550 hrawng a hmu tawnmi nih 1100 leng an hmuh lai tinak a si. Cun, business fa deuh pawl a tuahmi tete pawl caah tangka cawi/hman chung awk zong cozah nih tangka sangsen ($66 billion)a chiah i a herhmi nih sok khawh a si. Ref: CBN (7News & ABC)

Be the first to comment on "Australia ah um Chinmi Centrelink a ei mi pawl a let hnih in tangka pek nan si lai tiah cozah nih thawngthannak atuah"

Leave a comment

Your email address will not be published.


*


error: Content is protected !!