Australia ah um mi Chin mi sin ah Corona virus in i vennak caah Khrihfa bu kip nih tuah ding theihterhnak tuah a si cang

Australia ummi Chin Khrihfabu bu vialte hna, Atu lio kan tonmi COVID-19 zawtnak cu kham khawh lo in vawlei cung khuaza kip ah rang taktak in a karhmi caah ralrin a herh ngaimi a si. A hlei in a bubu in tonpumhnak hmun, thil cawknak hmun, tlanglawng, sianginn le biakinn tibantuk ah ho ti theih lo piin i chonh khawh a si caah ralrin ngaingai a herh. Ram cheukhat ah Biakinn pumhnak service an phih piak thluahmah hna. Australia zong sianginn cheukhat an kharpiak mi an um len cang. Khrihfabu ah zawtnak a ngeimi or biakinn ah thil a cangmi an um ahcun cozah nih biakinn pumhnak an kan ngolter colh ding a si. Cucaah a si khawh chungin timhlamhnak tete i vrnnak tete cu Baptist Union lei zong in an kan kuat i cuchung cun a tanglei bantuk in kan hun langhter.

PUMHNAK (BIAKINN or INN or HALL)
1. Pumhnak inn ah kut ttawlnak (alcohol based hand santiser –60% alcohol) luhnak innka ah zapi caah chiah ding le aa pummi poah kut tawl cio ding ah forh ding. 2. Kut tlaih le i kuhnak hrial deuh ding or anmah permission halta hnu lawng ah tuah ding. 3. Zapi hman khawh ding tissue chiah piak ding 4. Aa pummi hna nih an tonghmi innka, cabuai or zapi tawngh thammi paoh thiang tein ttawl lengmang ding. 5. Caankel pumhnak a si lomi special event — concert or big gathering hrial ding. 7. Bawipa zaanriah hrai hrawm in hman lo ding. 8. Zapi hmanti mi rawl, pakan, hrai, tibantuk hrial ding. 9. A dam lomi or aa pum kho lomi caah live thlahpiak i zuam ding. 10. Khrihfa bu kip nih emergency operational plan timh cia tein ngeih ding le COVID 19 in a zawmi an um sual ah bawmhchanhnak plan i ngeih cia ding.

CHUNGTEL PAKHAT CIO NIH TUAH DING
Nan chungtel pakhat cio kha a tang lei bantuk in nan forh lengmang hna lai. 1. Na kut thiang tein i tawl lengmang. 2. Na kut in na mit, na hnar, na kaa tongh tham lo ding. 3. Na khuh or hatthio tikah tissue or na kiu (elbow) in khu ding mihmai zawn ah khuh lo ding. 4. Na taklinh, khuh, lufah, hnap tawh bantuk na um.paoh ah a rannak in sibawi sin ah i chek ding le inn ah um ziar ding
5. Hmurkhuh (mask) a dammi nih i hruk lo ding. 6. April thla chungah flushot (tlangrai kham sii) i chunh cio ding. 7. Mitkuh vuai tein it, rawl tha tein ei piak law, pumpak dam, thawn i zuam.

HRIAL DING DANGDANG
1. Ramdang tlawn a herh tuk lomi cu hrial rih ah a tha. 2. Zarh 2 a daihmi din ei i zalh cia ding ah a tha. 3. A hlei hluat tuk in facang, tissue tibantuk i cawkcia a herh fawn lo. Zapi hrawm duhnak thinlung ngeih ding. 4. Khual a tlawngmi nih Australa nan phak le cangka tein sibawi sin ah nan i chek colh ah a tha. Bawipa nih nan Khrihfabu nan kilvennak le nanhruainak cio ah lam in hruai ko hna seh. CCCA

Be the first to comment on "Australia ah um mi Chin mi sin ah Corona virus in i vennak caah Khrihfa bu kip nih tuah ding theihterhnak tuah a si cang"

Leave a comment

Your email address will not be published.


*


error: Content is protected !!