Australia Chinmi caah thawngpang chia ngai; Chinmi rampi rian ttuannak company ah Coronavirus ngei mi 19 hmuh an si

Chinmi tampi zong mah 19 ah hin an nih tel lai tiah zum a si. Daily Mail nih a ttial ning ah cun atu coronavirus zawtnak ruangah Australia cu a damlo mi le a thimi an tlawm ngai i, natein Chin le Karen tampi rian ttuannak, caw thanak ah rian ttuantu pakhat sin in mah coronavirus zawtnak hi hmuh a si. Mah caw an thanak hi melbourne west lei ah a si. Mah Sa thanak company ah rian ttuantu tampi mah coronavirus zawtnak a ngei mi an um tiin Daily Mail nih a langter

Natein Daily Mail nih mah company min hi a langter lo i, mah company ah rian ttuantu tampi sin ah mah zawtnak a ngei maw ngei lo ti test tuah a si , minung 19 nih an ngei tiah a ttial

Mah company ah hin Chin mi tampi rian ttuannak a si i, mah minung 19 ah Chinmi zong tampi an nih tel ve lai tiah zum a si. Mah bantuk dirhmun kan phan cang caah ramthumnak ah um mi Chin unau tampi cu rian an ttuan peng caah ralrin te in le thlacam bu tein rian ttuan i zuam hna u si.

A poinak pakhat cu zeitluk in ralrin zawng ah mah zawtnak hi mi tampi nih an ngei i an nih chonh caah minug lei cun tuah khawh mi kan ngei lo ti bantuk khi a si. A tachunnak ah sibawi pawl hna hman tlamtling tein i vennak an in hrut bu in  mah zawtnak hi an nih chonh/ngei lengmang ve caah Pathian sin ah fakpi in Pathian zohkhennak le vennak hal ko hna u si- Daily Mail

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "Australia Chinmi caah thawngpang chia ngai; Chinmi rampi rian ttuannak company ah Coronavirus ngei mi 19 hmuh an si"

Leave a comment

Your email address will not be published.


*


error: Content is protected !!