Australia Um Chin Mi Ca Zongah Thinphan Dai Lo A Si Cang I Ralrin Bak Ding!

Australia Chin mi kan ca zong ah thinphan dai lo a si cang. A tu lio pultlangrai ruang ah rian dinhter mi hna siseh, riantuan caan thumhpiak mi hna caah caan karlak i chanchuahnak ding ah tiin Super cu cozah nih chuahnak nawl pek a si i kum khat ca a chuah mi 2.2 ,Million nih an super an lak.

A sinain hi chung ah a dik lo ning in Super a la mi kha a tu hi Australia Tax Office nih an van dawi ciammam hna le $10,000 a la mi hna kha $12,000 bak an cawhthan hna.I Ralrin Bak Ding:Caan tling riantuan mi nih Super kha lak bak lo ding . Na lak bak ahcun a tuan le tlai si lai Cozah nih na bank phaisa lutchuak in an in dawi lai i voikhat na lak ah $12,000 na liam lai. Cawi le liam hrimhrim a hau luat khawh zonh si loh.

A voihnihnak Super Lak A Cu Than Cang:A tutan hi tuzarh cawn nithum july thla in September 4 tiang khi a voi hnihnak Super lak khawh than si. Hi zong ah rian kha caan tling in na tuanbu ah na lak than ahcun a let in leiba na chap lai. Laimi an cawh cang mi an um. Thil tha lo ti mi cu tuah hramhram hna hlah usih kan mah caah fahnak a si. Kai lawm.Credit :Tlerlung THlaceu Chung.

Thawngpang dang<<China le India ramri kong ah an buai hi a caan a rak sau tuk cang caah fawi le bai in hi ramhnih karlak ah buainak ahhim remnak tak tak an tuah kho lai ti cu zum a um tuk ti lo, Nai i an rak buai ahkhan India ralkhat 20 nih an nunnak i,  india mipi nih a lung a tling lonak hi social Medea ah a kengkip in thawng an thanh i, Micheukhat nih an thin a lung tuk nak ah China product paoh cu hman ti lo ding tiah social Midea in a kengkip an thawng an zamh.Cu lio caan ahcun China lei tu cu dai tein an um i an ram ralkap zeizat dah a thi ti hmanh social media ah an langter lo, china ralkap hi a thi i an um ve ko lai tiah mitampi nih zumhnak an ngai, a thil tein an thin a hung ve ko ti a fiangnak cu nai ahkhan China le India buainak ramri lei ah China ralkap tingkhat hrawng cu an ralthuam he timhcia tein ramri lei an a rak chiah cawlh ve hna .

An nih ramhnih hna hi ramri kong ah an si a tam cang kaphnih lei in tei an duh ve ve lo,i a tu hi India ralkap zong a herh ahcun hriamnam zong hman cang ko ding in nawl pek an si ve. June thla 15 ahkhan China ram hruaitu le India ram hruaitu hna cu i tawn remnak an ngei ko nain zeiruang ahdah china ralkap tingkhat reng lo hi a hriamnam he ramri lei a rak chiah than china nihhin India he ral i tuk hi an ngamh tuk ruang hna maw a si hnga, zei ruah ah dah a hlan i a ralkap hi zat zat ramri ah a rak chiah bal lo mi a tu ahcun a rianrang in a rak chiah hnga tiin ram tampi nih an cuan lio hna a si. Ref: Times OF India.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.
English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Australia Um Chin Mi Ca Zongah Thinphan Dai Lo A Si Cang I Ralrin Bak Ding!"

Leave a comment

Your email address will not be published.


*


error: Content is protected !!