Aye Naing cu thih dantatnak pek a si cang. Zaangfah a si tuk hringhran ko ee!!

Liamcia kum 2016, February thla-ah khan Than Zaw tiah kawhmi pa nih a darling nu he a rak i uar tawnmi Aye Naing cu Hinthada-ah a thah, cucaah, Hinthada court nih caan saupi chung biaceihnak a kalpi, a donghnak ahcun thih dantatnak pek a si tiah biaphuannak an langhter cang. Amah lawng nih a that lo, a darling a si cuahmahmi Hnin Pwint Phyu zong nih a bawmh tiah theih a si, cucaah, anih zong kum 7 chung thong thlak a si lai tiah court nih biachahnak a tuah.

Biaphuannak an ngeihmi in theih khawhmi cu, Aye Naing nih a darling a rak si tawnmi Hnin Pwint Phyu cu a tthen kho hrimhrim lo, an i tthen hnu zongah a uar chih peng, a kalnak kipah a zulh tawn, holh phunphun in a mawhchiat, cucaah, Than Zaw he thahnak caah timhlamhnak an ngei. Timhlamhnak an ngeih bantukin Aye Naing cu Hnin Pwint Phyu nih adrenaline si in a chunh, cucaah, a nunnak a dong tiah langhter a si.

Kum 2016, February 21 ah khan Hnin Pwint Phyu nih a darling hlun cu nuamhnak hmun Pub leiah a kalpi, timhlamhnak an sermi bantuk in sivai chunh a timhnak kong zong cu Than Zaw a chimh dih tiah theih a si. Si a chunh dih hnuah mah hngal loin a um, caan tlawmpal-ah a nunnak a liam, a thih bakin Hnin Pwint Phyu nih Than Zaw cu phone in a chimh colh, an pahnih in hmun lawnnak-ah an phum. Sihmanhselaw, March 3-ah khan an phummi ruak cu hmuh tthan a si, cucaah, hibantukin thih dantatnak tiangin court nih a vun peknak hna a ruang hi a si. Credit: laitlang thlizil

Be the first to comment on "Aye Naing cu thih dantatnak pek a si cang. Zaangfah a si tuk hringhran ko ee!!"

Leave a comment

Your email address will not be published.


*


error: Content is protected !!