BBC nih President Trump kong a ttialmi hi a hman tak tak. Trump hi an soisel lengmang zong ah a hman mi tuah ttih lo in a tuah thluamah ko

President Trump (Chiandeih) thin hunter ah cun buainak khur ah lut a si ko, January thla ah khan Trump nih China mi hna cu USA ram chungah lut lo ding in visa a phih piak hna hna, mah kong ah hin WHO Director Tedros (China uico) an ti tawn mi nih USA President Donald J. Trump thil tuah mi cu fakpi in a soisel i, China Travel banned cu onh tthan ding in a ti. WHO nih Coronavirus hi minung le minung i chonh khawh mi a si lo a ti. Natein President Trump nih a duh lo in China Travel Banned cu a kalpi thluamah ko

China ah hin Coronavirus ih minung 24000 leng an thi lai tiah zum a si, mah hi USA intelligence pawl report a si, natein China nih a hman mi a chim duh lo, minung 3700 hrawng lawng an thi tiah a tu tian a chim peng. Mah lawng cu si loin China nih a hman lo mi report cu WHO sin ah a pek, mah report a pek mi cu WHO Director Tedros nih dothlatnak tuah duh loin China a chim ning bantuk in vawlei cung ramkip ah thawng a tthanh. Mah thawng a thanh mi cu; Coronavirus hi minung le minung i chonh khawh a si lo ti a si, Cun China President Xi Ping nih Coronavirus dohnak kong ah, a rian a ttuan ning cu a tha tuk tiin China cu a thanthat peng.

USA nih WHO sin ah China data a hman mi pek ding in a nawl peng, natein WHO nih China cu a dirkam peng caah le US President Trump nih WHO Director Tedros thil tuah mi le China thil thup mi a dirkam mi cu a duh lo caah a soisel, President Trump cu WHO Director Tedros nih a leh cawlh i, na ram chungah tampi thi na duh lo ah cun daitein um cang ko, Coronavirus hi politic lentecelhnak bantuk in hmang din a si lo tiin fakpi in a phomh.

President Trump a celh ti lo caah WHO tangka a bawmh tawn mi cu a phih piak’ Coronavirus zawtnak kongah hin WHO nih rian thatein a ttuan lo caah tangka kan bawmh tawn mi cu phih piak a si cang lai tiah President nih a chim. Mah a chim hnuah China nih President Trump cu fakpi in a soisel cawlh i, atu mah bantuk vawlei dirhmun a si lio ah WHO bawmhnak phih piak cu thil tha a si lo tiah fakpi in Trump a soisel

Mah bantuk in President Trump nih WHO tangka a bawmh mi a phi piak caah UN General Secretary Antonio Guterres nih cun a ruat ngam lo caah mah bantuk caan chia lio ah WHO bawmhnak phih piak cu a caan a si lo tiin President Trump thil tuah ning cu a rak soisel ve cawlh. Kumkhat ah USA nih WHO sin ah tangka a bawmh mi zat hi  US Dollar Million 400 (£316m) a si tawn, Mah hi kum 2019 data a si. Vawlei cung ramkip nih WHO sinah bawmhnak an pek mi 15% hi USA nih a bawmh mi a si tinak si cu

WHO nih a langter ning ah cun Kum 2019 ah China nih WHO sin ah bawmhnak a pek mi zat cu Million 76 le voluntary fun Million 10, a dihlak in Million 86 tinak si. USA nih a pek mi cheunga ah cheukhat hrawng lawng a si tinak a si. US-ah COVID-19 zawtnak ruangah mi 26,064 an thi cang. A damlo mi hi 614,246 an phan cang. USA caah cun khuaci a mui tak tak. A tu dirhmun zoh ah cun mah zawtnak ruangah USA mipi a thi ding mi minung cu a tlawmbik ah 240000 hrawng cu an thi lai tiah zum a si.-BBCNEWS

Be the first to comment on "BBC nih President Trump kong a ttialmi hi a hman tak tak. Trump hi an soisel lengmang zong ah a hman mi tuah ttih lo in a tuah thluamah ko"

Leave a comment

Your email address will not be published.


*


error: Content is protected !!