Benjamin caah US ah Concert cu tlamtling tein dih a si cang. Concert an tuah duhnak ruang le tangka a chuak mi

Myanmar Idol season 4, Grand Final a lut hmasabik cu Chin pasal Benjamin sum a si. Benjamin sum hi Chin mi chungin Myanmar Idol season 1-4 ah Grand Final a lut hmasabik a si caah Chin mi kan caah cun tuanbia a si zungzal cang lai. Benjamin sum cu Myanmar Idol season 4 ah top 4 tian a phan caah US ah um mi Benjamin fans pawl nih lawmpi a phu tiin US ah Benjamin Sum Concert tuah piak a si. Mah concert hi Benjamin Sum Grand Final a lut hlan ah tuah ding in biaceinak an rak ngeih cang mi a si. Benjamin Sum hi Grand final a lut zong lut lo zong ah Concert hi tuah an nih timh hrim mi a si cang

Mah Concert ah hin Rev. Dr. Nan Kim Mang nih Benben caah thlacam piaknak a ngeih. Cun Rev. Nun Uk nih bia tawi a chimhnak a ngeih. Benben Concert ah mi 10 nih hla an sak i, Concert ah a kal mi paoh nih an mah le siangtawk in Benben caah tangka pek cio a si. Tangka a chuak mi zong a tam ngai tiah theih a si. Mah tangka a chuak mi vialte hi Benben sin ah kuat a si lai. Benben hi aw tha le hlasak thiam a si caah winner si hram seh ti hi Chin mipi nih an saduhtha mi cu si

Be the first to comment on "Benjamin caah US ah Concert cu tlamtling tein dih a si cang. Concert an tuah duhnak ruang le tangka a chuak mi"

Leave a comment

Your email address will not be published.


*


error: Content is protected !!