Benjamin sum SMS Mee caah kawlram phaisa Ks 300,000 an hlutnak kong le Esther hnabei dong in mipi sin ah bia a chimh mi kong

Myanmar Idol boruak a sang tuk cang, an pahnih karlakah thil a tlung mi hi vun rel ve tuah, pakhat cu a lawm i pakhat cu a ngaihchiat ngai ti khawh a si. Myanmar Idol season 4 ah Tan Khun Kyaw a tlak hnu ah Esther nih mipi vote a her ning a vun chim. Esther hi bottom 3 ah a rak thut cang. Vote a herh ning a theih caah mipi sin ah fakpi in sawmnak le nawlhnak a vun tuah. Atutiang cu Esther caah mipi lei in thawngpang tha theih ding a um lo. Mipi lei in Esther thazang kan pek ning zoh ah cun ngaihchiat ngai khi a si, a ruang cu a unau a si mi Benjamin sum cu mipi le a fans pawl nih thazang an vun pek ning a theih tikah zeitluk in dah mipi bawmhna a herh lai ti khi ka ruat tikah zaangfah ngai khi a si. Cucaah Chin mi nih an pathum tein thazang pek cio hna u si

Nizan ah MWN nih alanghter ningah cun US khuasa Daniel Thang nih Benjamin Sum SMS Mee caah kawlram phaisa Ks 300,000 ahlut tiah ati. Tuan deuh ah khan Yangon ummi James Mang nih Benjamin Sum SMS mee caah kawlram phaisa Ks 100,000 a hlut tiah theih a si rih. A sunglawi tukmi thil tuah a si. Falam kan unau hna thil tuah cu upat an tlak tak tak ko. Hibantuk thil an tuahmi nih midang ca zongah zeitluk in dah zuam duhnak thazaang an neih lai. Hi an tuahmi nih hin Benjamin Sum ca lawngah thazaang si loin a ra laimi caan zongah midang ca thazaang tampi achuahpitu a si lai zumh a si.

Daniel Thang le James Mang nih an tuahmi hi asawh sawh asi hrim lo. An tuahmi hi acaan te ah an tuahmi a si. Mi pakhat nih mee pakhat pek hmanh a sunglawi tuk ti lio ah anmah pahnih nih atlawmbik SMS in mee 13000 an pek khawh lai tinak a si. Acaan te ah thil tuah hi fim a si. Benjamin Sum zong zeitlukin dah aa lawmh lai i thazaang a ngah chin lai. Daniel Thang le James Mang nih an dihmi phaisa hi tambak ko. An phaisa man hi a sawh sawh in a kal hrim hrim lai lo. Benjamin zong Myanmar Idol hmu kho dingin thazaang chuah in  izuam chin ko.

Chungkhar pumpak dirhmun in phaisa lei ah chambaunak a ngei tuk lomi nih cun mah le miphun chungin aa zuammi hna cu chawva in thazaang pek khawh cio hi atha tukmi a si. Mi tampi mee pek duh ko zongah umnak hmunhma khua le ram nih a pe lo, cheukhat cu pek duh ko zongah relrem lonak a phun phun a um kho. Cu caah a pe khomi nih cun mah le miphun hi cu thazaang pek cio ding an si. Daneil Thang le James Mang hna pahnih nih Benjamin Sum caah nan ipeknak cungah upat pek tlak nan si.

Be the first to comment on "Benjamin sum SMS Mee caah kawlram phaisa Ks 300,000 an hlutnak kong le Esther hnabei dong in mipi sin ah bia a chimh mi kong"

Leave a comment

Your email address will not be published.


*


error: Content is protected !!