Biden cu teinak hmuh ding ah a tlang parte a phan deng cang.

NBC News nih a langter ning ahcun Joe Biden cu teinak hmuh ding le aupi ding ah ah a tlang parte a phan deng cang Wisconsin state zong ah Biden nih Trump cu vote 20,697 in ahruai rih lio a si  hi ka state zong ahhin Biden nih teinak a hmuh ko lai tiah zumh deuh a si.

Me reltu hna nih me an rel mi cu an ngawl chung rih aruang cu an relnak electronic machine printer cu cahang {ink} adih caah an i din rih tiah NBC news nih a langter, Biden nih 270 vote hmuhnak ding ah 26 votes a herh lio ah Trump tucu 58 vote a herh rih ko, a tei ning hi a tam taktak tiah chim khawh a si.

Daily Mail nih alangter ning ahcun Pennsylvania’s state an vote an rel mi cu Friday cacawn ni ngani tiang cu rau dawh a si, hi state hi kap hnih caah a biapi taktak mi state a si, Trump zong nih hi state ahhin teinak a hmuh ahcun a caah lam a um kho mi a si cu ve bang Biden nih a lak ahcun teinak cu a mah ta a si cang ko lai ti a fiang, nain  buaibainak le a dik lomi a um caah Vote reltu hna cu pehzulh in vote an rel kho lo tiah alangter. NBC News.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Biden cu teinak hmuh ding ah a tlang parte a phan deng cang."

Leave a comment

Your email address will not be published.


*


error: Content is protected !!