Biden Lei A Tang Mi Pawl Group Nih Cun, Vawlei Cung Ah Pa Le Nu Kan Um Loh Kan I Khat Dih Ko Tiah Khiaruah Har Bia Tamtuk An Chuah Cang

US rampi ithim nak cu ai lim cang lai i kan nih lei a January 6 zan tlaihnu silo les January 7 zing ahcun a ho nih dah US president thar a tuan lai timi cu an nemhnget cang lai. Tu dirhmun ahcun State kip i an thim mi Biden cu tlangchuak upa nih nemhngehnak a neih lai i cucu midang nih teh an nemhhnet kho lai maw timi hi a si.

President thar ding a fian hlanah Biden party Democrats lei nih cun bia a phunphun an chuah cang i mahhi hi can dongh lei kan phan cuahmah cang ko hi teh tiah zumhnak an neih. Bible ah “AMEN” ti ding lawng kan hmuh lio ah, liberal(Biden party Democrats) nih cun “Awoman” an ti. Bible nih “Pathian nih nu le pa cu a sersiam” a ti lioah, liberal nih cun “nu le pa kan um loh” an ti.

Bible nih “phunglam bantuk hmang loin, nu ti dan, pa ti dan kalh bantuk in hmangtu cu “sual tuah ruang i daantatnak an hmuh lai” a ti lio ah, liberal (democrats) nih cun “neih mi ai khat mi hmunkhat umti LGBTQ cu dawtnak khat liam in mi zalong, mi cangkang kan si” an ti. Bible nih “a ṭuan lo mi cu ei zong ei hlah seh” a ti lio ah, liberal (democrats) nih cun “a ṭuan lo zong ah mirum pawl i neihmi kha an ei ding hrimhrim a si” an ti.(socialism)

Bible nih cun “Pathian dang na bia lai loh, Thikthusia Pathian ka si” a ti lioah, liberal (democrats) cun “Brahma, Alah, Buddha le pathian dangdang khal kan biak a ṭul. kan upat ṭul” an ti. Bible cun “Jehovah ṭihzah aw” a ti laiah, liberal (democrats) cun “zohman ṭihzah kan ṭul lo. Zalen zetin human right kan nei” an ti.

Bible nih cun “Pathian nih cun vawlei cung minung pawl (all lives matter) a dawt ruang ah fapa neihchun a pek” a ti lioah, liberal (democrats) nih cun “midum hi kan biapi (black lives matter) an ti” i buainak tampi an chuahter. (black & dirty politics). Bible nih cun “na nu le na pa upat hna” a ti lioah, liberal (democrats) nih cun “nu le pa idea hi a out tuk (a hlun tuk) i upat an tlak loh” an ti.

Bible nih cun “ hngakchia nunremh nak ah i sum hlah, fungfek i na vuak zong ah a thi lai loh. A nunnak cu Sheol in na chanhchuah deuh lai a ti lio ah, liberal (democrats) nih cun “nan nu le pa nih an vuak hna a sile, 911 (police) ko hna uh law thawngthla hna uh” an ti.

(Nulepa nei lo, cawmtu nei lo hngakchia a vakvai mi zeitluk an tam zong ah an zeihmanh a poi loh.) Bible nih cun “na nu pumchung i na um lio in kan theih cang ” a ti lioah, liberal (democrats) nih cun “nu’ pum chung i naute thah cu minung zalennak (human right & freedoms) a si” an ti.

Bible nih cun “mi na that lai loh” a ti lio ah, liberal (democrats) nih cun “naute thah hi minung kan cankan nak a si” an ti. Caan donghnak niah cun, mi nihsawh a hmang tu le anmah an pathian zeirel lo nak le, nupa sinak a cak mi bantuk in minung hi an um lai tiah a chim kha.

JUDAS 1:7-8, 10, 18). Pathian zangfahnak caan tlawmte na neih lio ah na thinlung i thleng law, chirnak nei ko. Jesuhkri nih na sual nak an tuarpiak mi hi cohlang law.. ( Washington Times \Pastor Thian Awi Sang )

Credit : Vapual Auaw

Be the first to comment on "Biden Lei A Tang Mi Pawl Group Nih Cun, Vawlei Cung Ah Pa Le Nu Kan Um Loh Kan I Khat Dih Ko Tiah Khiaruah Har Bia Tamtuk An Chuah Cang"

Leave a comment

Your email address will not be published.


*