Biden nih hi state Pahnih hi a tleih ahcun electoral votes hi 270 atling cang lai.

Joe Biden nih tuni wednesday ni zing ahkhan Wisconsin le Michigan ah Trump cu vote tlawmpal tein a tei, ruang ah Trump cu a thin a phang i, a dik lomi a um democrats pawl nih vote an fial tiah Supreme court ah vote rel lio mi cu ngawl chung ding in  complain a tuah, nain Trump a nawlnak cu court nih hnawlpiak a si. Trump hi a thin a phang ngai cang ti afiang.

Biden nih Wisconsin ah 49.57% a si i Trump hi 48%94 a si ve, Michigan state ahcun Biden hi 49.32% a si i, Trump cu 49.14% a si ve, Biden nih hin hi state pahnih ah teinak a hmuh ahcun  electoral votes hi 270 a tling lai tinak a si, a tu hi vote cu rel cuahmah lio a si i, a result cu thlaizing hrawng lawng ah lawngter dawh an si.

 

Atu tiang ahcun Trump cu Biden nih a tei deuh rih ko i, Trump nih teinak a hmuhnak ding caah lam pakhat a um mi cu Michigan a silole Wisconsin ahhin vote tam deuh a hmuh ahcun teinak a hmuh khawh mi a si ve, nain tutiang ahcun electoral votes ah Biden nih a tei deuh rih in alang. ABC news

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Biden nih hi state Pahnih hi a tleih ahcun electoral votes hi 270 atling cang lai."

Leave a comment

Your email address will not be published.


*


error: Content is protected !!