Biden : Trump Hi Bantuk Na Sungh Mi Na Cohlan Duh Lo Mi Cu Ningzak Tuk Na Si

America ram hruaitu ithim nak cu November 3, 2020 ah an tjik i an dih cang. Joe Biden nih teinak a hmuh i, USA president 46th-nak a si tiin thawngthanh nak kip ah an langh ter cang.

Asinan, Donald Trump lei tang pawl nih ithim nak hi a hman loh tiin fothlat nak an neih cuahmah lio a si. USA ram ithim nak cu Electoral votes 270 ngah tunih a tei lai ti a si bantuk in,Joe Biden nih 290 zat a ngah ruangah tutan ithim nak ah a tei tiin media kip nih thawngthanh nak an tuah.

A thaizing ah President Obama nih TV kaltlang in, Trump lawmnak a tuah colh. Mah hi pawl zong official i an phuan hlan a si. USA ahcun official i an phuang hlanah media pawl nih an phuan hmasa tawn.

Joe Biden lamtang pawl nih cun vote dik lo a um lo an rak ti ve, vote an hlonh, mithi nih an vote ti mi pawl zong tetti ngaingai a um loh an ti. Online chung ah palik pawl nih vote an hlonh timi video le hmanthlak cu vote asiloh, post cakuat men titu zong an um i facebook tiangin an hmanthlak le an konglam post an kham phah. Asinain, Trump leitang pawl nih facebook zong Biden lei ah an tang an ti thiamthiam.

Tuitum ithim nak cu Donald Trump nih a cohlang rih loh i official in an phuang rih lo ruangah Joe Biden nih ‘Ningzah thlak a si’ a ti. Sinak petu ding, official i phuangtu cu General Services Administration (GSA) a si i Trump i kuttang Emily W. Murphy nih a tleih.

Joe Biden nih “Mr. President, kan i chawnh a hau, mah hi nan cohlan duh lo mi hi a zahthlak tuk. Zeihmanh a si hlei lai loh. Republicans pawl nih an sungh tin te.in an cohlang than bal lai loh tiah ka zumh a ti.

Donald Trump he team khat a si mi USA president hlun George W. Bush zong nihJoe Biden cu lunglomh pi nak ca a kuat cang, Republican lam hruaitu midang pawl nih cun an kua rih loh.

George W. Bush nih “Ram kan khelnak tualrawn cu a dangdang a si nain Joe Biden hi mitha a si ti ka thei. Kan ram hrangah thiltha a tuah lai’ tiin sinak i hlat dingin Donald Trump a fial. George W. Bush le Donald Trump hi an umnak party ai khat ko nain an i rem kho tuk loh.

Republican chung zong ah Trump a duhlotu an um ngai hna. Donald Trump i chungkhar zong tui dirhmun ah cun, an lung ai rual kho loh. Jared Kushner nih cohlang dingin a fial nain a fapa 2 Don Jr. le Eric nih sungh pe lo dingin ca an tar ve. (Daily Mail)

Credit : Meifar

Be the first to comment on "Biden : Trump Hi Bantuk Na Sungh Mi Na Cohlan Duh Lo Mi Cu Ningzak Tuk Na Si"

Leave a comment

Your email address will not be published.


*


error: Content is protected !!