Biden: Trump nih America rammi hna sinah Covid-19 kong a hman loin a chim hna.

Democratic nominee Joe Biden nih covid-19 kong ah Trump cu fak taktak in a soisel, Trump nihhin min that a duhtuk ruang ah covid kong cu a hman lo in US mipi hna si ah a chim, February thla ahkhan Trump nihhin Covid-19 konglam hi a hngalh ko, ttih a nung tuk mi a si, Pakhat le pakhat fawi tein i chawnh khawh a si , hi zawtnak hri hi a dang zawnak flu nakin ttih a nung deuh ti a hngalh ko nain a si ning tein America ram mi hna sinah a chim lo tiah a chim.

Campaign ah tuah zong ah mi tampi nih mask a i bum lo, Covid-19 zei a rel lotuk caah ram mipi nih hitluk in an tuar hi a si, amah ruang ah US mi tampi nih mask hmangnak kong ah buainak an chuahter hi a si.

America mipi hna sinah fawi tein lih a chim peng, ram a dawt si ahcun a ram mi hna sin ah bia dik a chim ding a si tiah achim, a hram thawk tein America rammi hna sin ah chim sehlaw US ram ah hitluk in mithi an tam hnga lo, Trump hi Covid-19 rai buaipi ding ah a fit hrimhrim lo, a sinak nih a tlinh lo, midang soisel lawng a thiam tiah tiah a chim. Fox news.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.
English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

 

Be the first to comment on "Biden: Trump nih America rammi hna sinah Covid-19 kong a hman loin a chim hna."

Leave a comment

Your email address will not be published.


*


error: Content is protected !!