Bill Gates nih US ram cu hnu lei caan i a sining, adirhmun bantuk in nunkhawh a si cang lai tiah a caan a phuan cang.

Microsoft Operating system a hmuh hmasabik tu Mirum Billionaire Bill Gates nih tuni September 20 ahhin Fox News nih Pandemic kong he pehtlai in an tawn i, bia an hal lio a a chim mi cu ,” United States cu 2021 a donghnak lei lawng ah a hlan bantukin amah dirhmun ning tein a si tthan khawh lai (Prediction) chimchungnak a ngei.

Atu ahhin US nih Vaccine kan buaipi cuahmah mi hi hmaikum hramthawk hrawng ah kan i ruahchan bantuk in a tlam a tling si ahcun, hmaikum tthal caan hrawng in khin cun US hi Kum dang  bantuk in amah a sining bangin a kir tthan te lai tiah a chim. Bill Gates nihhin Vaccine tuahnak ah phaisa tam taktak a petu a si.

 

Bill Gates nih a chim rih mi cu , zeiruang ahdah hi bia hi ka chimchung ngam ti ahcun , na hngalh bantuk in kan buaipi cuahmah mi Vaccine technology a tha taktak mi a um pinah, cu ka i rian a tuan mi hna cu mi thiamsang mi thatha lawng te an si caah Trump zong nih a ram mipi sinah raltha tein kum donghnak lei cu Vaccine hi tlamtling tein kan chuah khawh cang lai a ti mi kha a si cu tiah a chim. Source : Fox News

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Bill Gates nih US ram cu hnu lei caan i a sining, adirhmun bantuk in nunkhawh a si cang lai tiah a caan a phuan cang."

Leave a comment

Your email address will not be published.


*


error: Content is protected !!